ەلىمىزدىڭ بۇگىنگى جەتىستىگى
ونىڭ باستى ماقساتى - مىقتى مەملەكەتتىڭ دامىعان ەكونوميكانىڭ جانە بەرەكەلى قوعام قۇرۋ، قازاقستاننىڭ الەمنىڭ ەڭ دامىعان 30 ەلىنىڭ قاتارىنا قوسىلۋ.
بۇل ماقساتتارعا قول جەتكىزۋ ءۇشىن «قازاقستان -2050» ستراتەگياسىندا جەتى ۇزاق مەرزىمدى باسىمدىقتى ىسكە اسىرۋ قاراستىرىلعان. قازىر قازاقستان ءبىرىنشى كەزەكتە ەكونوميكانى، ودان كەيىن ساياساتتى دامىتۋدى كوزدەيدى. ساياسي رەفورمالاردىڭ ءاربىر كەزەڭى ەكونوميكا دامۋىنىڭ دەڭگەيىمەن بايلانىستى.
قازاقستان ساياسي ىرىقتاندىرۋ جولىمەن كەلە جاتىر. بۇل شەشىم ەلدى جاڭارتىپ، باسەكەگە قابىلەتتى ەتۋگە سەپتىگىن تيگىزەدى. تاۋەلسىز قازاقستاننىڭ باستى جەتىستىكتەرىنە توقتالاتىن بولساق، بىرىنشىدەن، ىقپالداسقان ەكونوميكالىق كەڭىستىكتىڭ قالىپتاسۋى. شەكارامىز زاڭدى تۇردە راسىمدەلگەن. بيلىك تارماقتارى ءبولىندى.
ول زاماناۋي مەملەكەتتىك باسقارۋ جۇيەسى قۇرىلعانىنىڭ كورىنىسى. قازاقستان EXPO -2017 حالىقارالىق كورمەسىنىڭ وتكىزىلەتىن جەرى بولىپ تاڭدالدى. كەزىندە كەڭەس وداعىنا كىرگەن ەلدەر اراسىندا قازاقستان ەۋروپاداعى قاۋىپسىزدىك جانە ىنتىماقتاستىق ۇيىمىنىڭ ءسامميتىن وتكىزىپ، ءتوراعالىق ەتتى.
سوڭعى 15 جىل ىشىندە ازاماتتارىمىزدىڭ تابىسى 16 ەسەگە ارتتى. تابىسى كۇن كورىس مينيمۋمىنان تومەن ازاماتتار 7 ەسەگە، جۇمىسسىزدار سانى 2 ەسەگە ازايدى. ءبىلىم مەن مەديتسينا سالالارىندا ايتارلىقتاي جەتىستىكتەر بار. سوڭعى 5 جىلدا انا ءولىمى 3 ەسەگە قىسقارسا، بالا تۋۋ كورسەتكىشى كەرىسىنشە 3 ەسەگە ارتتى. ءبىلىم بەرۋ سالاسىنا بولىنگەن قاراجات 10 ەسەگە كوبەيدى. ال ەلگە تارتىلعان ينۆەستيتسيا كولەمى 160 ميلليارد ا ق ش دوللارىنا جەتتى. 2030 -جىلعا دەيىنگى ستراتەگيا قابىلدانعاننان كەيىن 15 جىل ىشىندە قازاقستان قارقىندى دامىپ جاتقان 5 ەل قاتارىنا كىردى.
سەمەيدەگى يادرولىق پوليگون جابىلىپ، ەلىمىز ورتالىق ازياداعى يادرولىق قارۋى جوق ايماققا اينالدى. تاۋەلسىزدىك جىلدارى قازاقستاندى العا تارتقان 50 قادام جاسالىندى. ولاردىڭ ىشىندەگى باستى جەتىستىكتەرىمىزگە توقتالاتىن بولساق، بىرىنشىدەن، سىرتقى ساۋدا اينالىمى ءوسىپ، 132,8 ميلليارد ا ق ش دوللارىن قۇرادى. ۋران ءوندىرۋ بويىنشا 1-ورىنعا شىقتىق. باسەكەگە قابىلەتتى ەلدەر اراسىندا 34-ورىندى يەلەندىك. 2007 - جىلدان باستاپ ۇن ەكسپورتىنان 1-ورىنعا ورنىقساق، وتكەن جىلى ءبيداي ەكسپورتى بويىنشا وندىققا كىردىك. جالپى ىشكى ءونىم دەڭگەيى جان باسىنا جاققاندا 13 ميلليون ا ق ش دوللارىنا جەتتى. سونىمەن قاتار نازاربايەۆ ۋنيۆەرسيتەتى مەن نازاربايەۆ زياتكەرلىك مەكتەپتەرىنىڭ جەلىسى اشىلدى.
24.kz
