الماتىدا اۆتوبۋستا ءجۇرۋ قۇنى استانادان اسىپ ءتۇسۋى مۇمكىن

بۇل تۋرالى Almaty.tv تىلشىسىنە الماتى ق. جولاۋشىلار كولىگى باسقارما باسشىسىنىڭ ورىنباسارى ەرلان ءادىلوۆ مالىمدەدى.

«ناقتى وسى ساۋال ءالى قاراستىرىلمادى. ءبىراق، ءبىرىنشى قىركۇيەكتەن باستاپ جانار-جاعار مايدىڭ قۇنى وسەتىنى تۋرالى الىپ-قاشپا اڭگىمە تاراعان بولاتىن. ەگەر جانار-جاعارمايدىڭ باعاسى وسسە، وندا تاسىمالداۋشىلار، مىنەتتى تۇردە ءتاريفتى كوتەرۋ تۋراسىندا سۇراقتى كوتەرەدى. سول كەزدە وسى سۇراقتى قاراستىرامىز. قازىر جول اقىسى كوتەرىلەدى نەمەسە كوتەرىلمەيدى دەپ «ءجۇز پايىز» ايتا المايمىن. ءار مارشرۋتتىڭ بەلگىلى ءبىر باعاسى بەلگىلەنگەن»، - دەدى ەرلان ءادىلوۆ.

ال الماتىلىق تاسىمالداۋشىلار الىپ شاھارىمىزدا ءتاريفتى كوتەرۋ كەرەك دەسەدى.

«ارينە، سولياركا مەن قوسالقى بولشەكتەردىڭ باعاسى قىمباتتادى. ءاربىر اۆتوپاركتىڭ وزىندىك تالاپتارى بار. عيماراتتى جالعا الۋداعى قۇنى، شتاتتاعى ادامداردى قارجىلاي قامتاماسىز ەتۋگە بايلانىستى، بۇل جەردە نيۋانستار كوپ. الماتىدا 115 تەڭگەدەن جوعارى كوتەرۋگە بولادى. سەبەبى، بىزدە ادام كوپ، كولىك كوپ. قالانىڭ تەرريتورياسى كەڭ، بىزدە شىعىن كوپ. مەنىڭ اۆتوپاركىم 10-15 مىڭ ادامعا قىزمەت كورسەتەدى»، - دەدى «اۆتوپارك №4» ج ش س باس ديرەكتورى مۇستافا گاگيەۆ.

«الماتى» تەلەارناسى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى