الماتىدا جەڭىل اتلەتيكادان جاستار اراسىندا قازاقستان چەمپيوناتى وتەدى

ونىڭ ايتۋىنشا، الماتىنىڭ ورتالىق ستاديونىندا وتەتىن اتالعان جارىسقا شامامەن 150 گە جۋىق سپورتشى قاتىسادى دەپ جوسپارلانىپ وتىر. ولار جەڭىل اتلەتيكانىڭ بارلىق تۇرىنەن باق سىناسادى.

سونىمەن قاتار، ۆياچەسلاۆ سوكيركو جەڭىل اتلەتيكادان قازاقستان ۇلتتىق قۇراما كومانداسىنىڭ تاياۋدا پولشانىڭ كاتوۆيتسا قالاسىندا وقۋ-جاتتىعۋ جيىنىن وتكىزگەنىن مالىمدەدى.

«وقۋ-جاتتىعۋ جيىنى وتە جاقسى ءوتتى. اۋا-رايى دا تاماشا بولدى. ەندى الداعى 25- تامىز كۇنى قۇرامىندا 30 سپورتشى مەن 9 جاتتىقتىرۋشىسى بار قازاقستان ۇلتتىق قۇراما كومانداسى وڭتۇستىك كورەيانىڭ تەگۋ قالاسىنا سوڭعى وقۋ-جاتتىعۋ جيىنىن وتكىزۋگە اتتانادى. ولاردىڭ ىشىندە لوندون وليمپياداسىنىڭ چەمپيونى ولگا رىپاكوۆا دا بار. دەگەنمەن، ول ازيا ويىندارىنا دەيىن ەۋروپادا وتەتىن بريلليانت ليگاسىنىڭ كەزەكتى كەزەڭىنە قاتىسادى. ول جەكە باعدارلاما بويىنشا دايىندالدى. ولگاعا ۇلكەن سەنىم ارتىپ وتىرمىز. ال ازيا ويىندارىندا بىزگە 5 التىن مەدەلدى جەڭىپ الۋ مىندەتتەمەسى قويىلدى» - دەدى ءوز سوزىندە ۆياچەسلاۆ سوكيركو.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى