الماتى اكىمى جول ەرەجەسىن بۇزاتىن شەنەۋنىكتەر تۋرالى دەرەكتى جاسىرماۋدى ۇسىندى
قالا باسشىسى بۇل تۋرالى كەشە ىشكى ىستەر باسقارماسى وكىلدەرى مەن كوممۋنالدىق شارۋاشىلىق يەلەرىمەن وتكەن كەڭەيتىلگەن وتىرىس بارىسىندا مالىمدەدى.
ەسىموۆ ءوز سوزىندە، جول ءجۇرۋ ەرەجەسى بارشاعا ورتاق، ءارى ونى بۇزعان كەز- كەلگەن لاۋازىمدى تۇلعا زاڭ الدىندا جاۋاپ بەرۋى ءتيىس ەكەندىگىن باسا ايتتى.
احمەتجان ەسىموۆ، الماتى قالاسىنىڭ اكىمى:
ماعان جول ەرەجەسىن بۇزعان كەز- كەلگەن شەنەۋنىك جايىندا اقپاراتتى بەرىپ وتىرىڭدار. ەشكىمنىڭ اتىن جاسىرۋدىڭ قاجەتى جوق. زاڭعا باعىنبادى ما، ۇستاڭدار! قىزمەتىنە، كوڭىلىنە قاراعاندى قويىڭدار! ءتارتىپ ورناتىڭدار جول ۇستىندە!
ءى ءى د- ءنىڭ باستىعى سەرىك كۇدەبايەۆتىڭ ايتۋىنشا، قالادا اۋىر قىلمىستار سانى 11 پايىزعا، ال كىسى ءولتىرۋ مەن قاراقشىلىق شابۋىل جاساۋ 1,5 پايىزعا ازايعان. دەسەك تە، قالا اكىمى مەن پروكۋراتۋرا وكىلدەرى ۋچاسكەلىك پوليسەيلەردىڭ جۇمىسىنا كوڭىلدەرى تولمايتىنىن ايتتى.
«ءتىپتى قالا تۇرعىندارىنىڭ باسىم بولىگى ۋچاسكەلىك پوليسەيلەردىڭ ءتۇرىن دە تانىمايدى»، - دەدى قالا باسشىسى. سونداي- اق جيىندا جابايى ساۋدانىڭ قىزعان وشاقتارى مەن جەڭىل ءجۇرىستى قىزدار قاپتاعان سەيفۋللين كوشەسىنىڭ توڭىرەگىندەگى ءبىراز بىلىقتىڭ بەتىن اشقان اكىم جاۋاپتىلاردى ورنىنان تۇرعىزىپ، ەسكەرتۋ ايتتى.
احمەتجان ەسىموۆ، الماتى قالاسىنىڭ اكىمى:
مىسالى، ا 390 ءنومىرلى كولىگى بار ۋچاسكەلىك پوليسيا قىزمەتكەرى سەيفۋللين كوشەسىنىڭ بويىندا كولىكتە وتىرىپ ۇيىقتاپ جاتقان كەزدە، قىزدار ساۋدانىڭ كوركىن قىزدىرعان. ءدال سول قىزمەتكەر كەيىن جاياۋ جۇرگىنشىلەر جولىمەن جۇرگەن. سول ءۇشىن ونىڭ كولىگىن تارتىپ السا كەرەك، قازىر ول موتوتسيكلمەن ءجۇرىپ- اق جەڭىل ءجۇرىستى قىزدارعا قالقان بولىپ جۇرگەن دەگەن اقپارات كەلدى ماعان.
«استانا» تەلەارناسى
