شاحماتشى قىزدارىمىز بۇكىلالەمدىك وليمپيادادا ۇزدىك وندىقتىڭ قاتارىنا ەندى

  وليمپيادانىڭ سوڭعى كۇنىندە وتانداستارىمىز چەحيا قۇراماسىن 3:1 ەسەبىمەن جەڭدى. كەزدەسۋ بارىسىندا گۇلىسحان ناحبايەۆ كريستينا حاۆليكوۆاعا جەڭىلسە، دينارا ءسادۋاقاسوۆا كارولين ولساروۆانى، جانسايا ابدىمالىك ولگا سيكوروۆانى، ال گۇلميرا داۋلەتوۆا تەرەزا ولساروۆانى جەڭدى.

بۇل وليمپيادا بارىسىنداعى قازاقستان ايەلدەر قۇراماسىنىڭ سەگىزىنشى جەڭىسى. وسىلايشا قورجىندارىنا 17 ۇپاي سالعان قىزدارىمىز بۇكىلالەمدىك شاحمات وليمپياداسىنىڭ التىنشى ورىنىنا جايعاستى.

ايەلدەر اراسىنداعى ءبىرىنشى ورىندى رەسەي قۇراماسى (20 ۇپاي: 10 جەڭىس، 1 جەڭىلىس) السا، ەكىنشى ورىنعا قىتاي قۇراماسى (18 ۇپاي: 8 جەڭىس، 2 تەڭ ناتيجە، 1 جەڭىلىس) جايعاستى. ءۇشىنشى ورىن العان ۋكراينا قۇراماسىنىڭ (18 ۇپاي: 2 جەڭىس، 2 تەڭ ناتيجە، 1 جەڭىلىس) ۇپايى قىتايلىقتارمەن بىردەي. ءبىراق، قوسىمشا كورسەتكىشتەر ارقىلى «اسپان استى» ەلىنىڭ وكىلدەرى الدا تۇر. گرۋزيا جانە (4- ورىن) ارمەنيا قۇرامالارىنىڭ (5- ورىن) دا ۇپايلارى قازاقستانمەن تەڭ. بۇل جەردە دە قوسىمشا كورسەتكىشتەردىڭ ارقاسىندا بۇل قۇرامالار بىزدەن جوعارى تۇر.

بۇكىلالەمدىك شاحمات وليمپياداسىندا ەل نامىسىن قورعاعان قازاقستاننىڭ ەرلەر قۇراماسىنىڭ كورسەتكىشى ناشار. ءبىزدىڭ قۇراما وليمپيادا قورتىندىسى بويىنشا 13 ۇپاي ەنشىلەپ، 42- ورىنعا تۇراقتادى. ءانۋار ەسماعانبەتوۆ، پاۆەل كوتسۋر، رۋستام حۋسنيتدينوۆ، پەتر كوستەنكو جانە حالىقارالىق دەڭگەيدەگى گروسسمەيستەر اسلان ايتبايەۆ سىندى شاحماتشىلاردان قۇرالعان قازاقستان قۇراماسى سوڭعى تۋردا ۆەنەسۋەلا قۇراماسىمەن 2:2 ەسەبىمەن تەڭ وينادى. ەرلەر اراسىندا جالپى ەسەپ بويىنشا ءبىرىنشى ورىن قىتاي، ەكىنشى ورىن ۆەنگريا، ءۇشىنشى ورىن ءۇندىستان قۇراماسىنا بۇيىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى