قاراويدا بولاشاق شەكاراشىلارعا ارنالعان كورنەكى ساباق وتكىزىلدى - فوتو
«كەلەشەك شەكاراشىلارعا قارۋ- جاراق پەن تەحنيكانىڭ، شەكارا كۇزەتىنىڭ تەحنيكالىق قۇرالدارىنىڭ، مەملەكەتتىك شەكارانى قورعاۋدا پايدالانىلاتىن قىزمەتتىك جانۋارلاردىڭ جاۋىنگەرلىك مۇمكىندىكتەرى مەن تاكتيكالىق- تەحنيكالىق سيپاتتاماسى كورسەتىلدى»، - دەپ حابارلادى ق ر ۇ ق ك شەكارا قىزمەتىنىڭ باسپا ءسوز قىزمەتىنەن.
كينولوگيالىق ورتالىقتا كۋرسانتتارعا مەملەكەتتىك شەكارانى شارتتى بۇزۋشىلاردى ۇستاعان كەزدەگى قىزمەتتىك يتتەر مەن «دابىل توبى» شەكارا جاساعىنىڭ ارەكەت ەتۋ تاكتيكاسى كورسەتىلدى، سونداي- اق اۆتوبرونە تانك تەحنيكاسى، م ي-8 تىكۇشاعىنىڭ تەحنيكالىق- تاكتيكالىق سيپاتتاماسى تانىستىرىلدى.
بۇدان باسقا، بولاشاق شەكاراشىلارعا ينجەنەرلىك قامتاماسىز ەتۋ جانە جاپپاي قىرىپ- جويۋ قۇرالدارىنان قورعانۋ قۇرالدارى، بايلانىس قۇرالدارى مەن مەملەكەتتىك شەكارا كۇزەتىنىڭ ينجەنەرلىك- تەحنيكالىق قۇرالدارى، دەسانتتاردى تىكۇشاقتان ءتۇسىرۋ شارالارى كورسەتىلدى.
« ءار وقۋ نۇكتەسىندە ماماندار اسپاپتار قۇرىلعىلارى تۋرالى ءتۇسىندىرىپ وتىردى. كۋرسانتتارعا اتالمىش قۇرالداردى ءجىتى زەردەلەۋ قاجەت، سەبەبى ونى كەيىننەن كۇندەلىكتى قازاقستاننىڭ مەملەكەتتىك شەكاراسىن قورعاۋ مىندەتتەرىن ورىنداعان كەزدە قىزمەتتىك- جاۋىنگەرلىك قىزمەتتە قولداناتىن بولادى» ، - دەپ اتاپ وتىلگەن حابارلامادا.
