قىتايدا ەسىرتكىمەن ۇستالعان قازاق قىزى ءومىر بويىنا تۇرمەگە قامالۋى مۇمكىن
ەگەردە بويجەتكەننىڭ زاڭسىز ەسىرتكى تاسىمالىمەن اينالىسقانى دالەلدەنسە، ول ءومىر باقي باس بوستاندىعىنان ايىرىلۋى مۇمكىن.
زاڭى قاتال قىتاي قازاقستان تاراپىنىڭ قىزبەن تىلدەسۋىنە جاقىندا عانا رۇقسات بەردى. ال اقجارقىننىڭ اتا- اناسى قىزدارىن كورمەك تۇگىلى، ءالى داۋسىن دا ەستىمەگەن. ولاردىڭ ايتۋىنشا، قىتايداعىلار قىزدىڭ بۇرىن- سوڭدى ءىستى بولماعانى تۋرالى انىقتاما سۇراتقان. الايدا بىزدەگى مەملەكەتتىك مەكەمەلەر قۇجاتتى جىبەرۋگە ءالى اسىقپاي ءجۇر ەكەن.
20 عا جاڭا تولعان اقجارقىن جارتى جىل بۇرىن قىتايدان مالايزياعا تاۋار اكەتىپ بارا جاتقان جەرىنەن ۇستالعان بولاتىن. تەكسەرۋ كەزىندە سومكەسىنەن ەسىرتكى تابىلعان. قىزدىڭ تۋىستارى ونى تانىستارى الداپ كەتكەن دەپ ەسەپتەيدى. اقجارقىننىڭ الەۋمەتتىك جەلىلەردەگى دوستارى دا ونى كىناسىز دەپ وتىر. يەسىز قالعان پاراقشا قازىردە «سەنى ساعىندىق» ، «ارامىزعا تەزىرەك ورال» دەگەن سىندى اسەرلى سوزدەرگە تولىپ قالعان.
ق ر سىرتقى ىستەر مينيسترلىگىنىڭ باسپا ءسوز حاتشىسى نۇرجان ايتماحانوۆ بۇل ىسكە قاتىستى:
«س ءى م بۇل ماسەلەنى باقىلاۋدا ۇستاپ وتىر. وعان ەلشىلىكتىڭ كومەگىمەن ادۆوكات تاۋىپ بەرىلدى. جاقىندا ءبىزدىڭ ەلشىلىكتىڭ قىزمەتكەرلەرى اقجارقىنمەن، گۋاڭجوۋ پروۆينتسياسىنىڭ رەسمي وكىلدەرىمەن كەزدەستى. كەزدەسۋ بارىسىندا ول ءوزىنىڭ قاماۋداعى جاعدايى مەن جالپى دەنساۋلىعىنا قاتىستى ەشقانداي دا شاعىم ايتقان جوق» ، - دەگەن تۇسىنىكتەمە بەردى.
www.24.kz
