گەرمانيا ەلشىلىگى نەمىس تىلىندە شىققان ا. قۇنانبايەۆ پەن م. اۋەزوۆتىڭ كىتاپتارىن سىيعا تارتتى
سەمەيدە اباي اتىنداعى امبەباپ عىلىمي كىتاپحانا قورى ۇلى اعارتۋشى اباي قۇنانبايەۆ پەن مۇحتار اۋەزوۆتىڭ نەمىس تىلىنە اۋدارىلعان بىرەگەي تۋىندىلارىمەن تولىقتى. سەمەي قالاسىنىڭ اكىمى ايبەك كارىموۆتىڭ قولىنا باعا جەتپەس تۋىندىنى قازاقستانداعى گەرمانيا ەلشىلىگىنىڭ ءبىرىنشى حاتشىسى، مادەنيەت جانە باسپا ءسوز ءبولىمىنىڭ باسشىسى دجونني كرامەر تابىستادى، دەپ حابارلادى قالالىق اكىمدىكتىڭ اقپاراتتىق ورتالىعىنان.
«قارا سوزدەر» مەن «اباي جولى» نەمىس تىلىندە 2010- جىلى شىققان. بۇل - قازاقستان مەن گەرمانيانىڭ «قازاق كىتاپحاناسى» اتتى بىرلەسكەن جوباسى».
«ءالى كۇنگە دەيىن باسىلىم بيبليوگرافيالىق سيرەك تۋىندى سانالادى. گەرمانيا اباي جايىندا وتكەن عاسىردىڭ 50- جىلدارىنان باستاپ بىلەدى، سول كەزدە ونىڭ شىعارمالارى العاش رەت نەمىس تىلىنە اۋدارىلعان»، - دەپ ايتتى تانىستىرىلىمدا سويلەگەن سوزىندە دجونني كرامەر.
«كىتاپ قورىن تولىقتىرۋ ءۇشىن عىلىمي كىتاپحانا الەمنىڭ ءار تىلىنە اۋدارىلعان اباي شىعارمالارىمەن كىتاپ قورىن تولىقتىرۋ ءۇشىن الەمنىڭ 42 ەلىنە ءوتىنىش ءبىلدىردى. ءبىزدىڭ وتىنىشىمىزگە ازەربايجان، ۆەنگريا، گەرمانيا ەلشىلىگى جاۋاپ قاتتى، - دەدى اباي اتىنداعى كىتاپحانا قىزمەتكەرى گۇلميرا نۇعىمانوۆا.
قالا اكىمى ايبەك كارىموۆ دەلەگاتسيا مۇشەلەرىنە جاۋاپ رەتىندە قازاق حالقىنىڭ ءداستۇرى مەن تاريحىن باياندايتىن تاماشا تۋىندىنى ۇسىندى. «ۆوزروجدەنيە» نەمىس ەتنومادەني ورتالىعىنىڭ قالالىق «اينحايت» ءانسامبلى ۇلى گەتە ولەڭدەرىنە جازىلعان ءاندى شىرقاپ بەردى.
