قازاقتار دا يتالياندىقتار سياقتى قوناقجاي حالىق - كانادالىق ساراپشى د. سيمەوني
ەكى اپتانىڭ ىشىندە ول ۇيىمداستىرۋ قۇرىلىمى، مەنەدجمەنت، «يمپەريا شين» اقتوبەلىك كومپانياسىنىڭ كادر ماسەلەلەرىنە قاتىستى سۇراقتارعا جاۋاپ بەرىپ، كەڭەس بەرۋ قىزمەتىن كورسەتەدى.
- اقتوبە ماعان ۇنادى. مۇندا جەلدى جانە قۇمدى، ءبىراق ادامدارى تاماشا. قازاقتار دا يتالياندىقتار سياقتى قوناقجاي حالىق. سونىمەن بىرگە، مەنىڭ ءبىر بايقاعانىم، قازاق جانە يتاليان وتباسىلارىنىڭ اراسىندا ۇقساستىقتار كوپ. ءبىز ءۇشىن دە وتباسى مەن وتباسىلىق قارىم-قاتىناس وتە ماڭىزدى، - دەپ اتاپ ءوتتى د. سيمەوني.
«يمپەريا شين» ج ش س كوممەرتسيالىق ديرەكتورى بەرىك قالمۇراتوۆتىڭ سوزىنە قاراعاندا، شەتەلدىك ساراپشىنىڭ كەڭەسى كاسىپورىن جۇمىسىنا جاقسى كومەكتەسىپ جاتىر ەكەن.
- بىرنەشە كۇن ىشىندە ءبىز كومپانيانىڭ قۇرىلىمىن قايتا قارادىق، ءبىزدىڭ ۇيىمدا ستۋدەنتتەردىڭ تاجىريبەدەن ءوتۋى تۋرالى كەلىسىم جاسالۋعا بولاتىن كوللەدجدى تاپتىق.
«يمپەريا شين» ج ش س-نىڭ شينا ساۋداسى بويىنشا اقتوبە نارىعىنداعى ورنى زور. سوڭعى ۋاقىتتا باسشىلىقپەن سەرۆيستىك قىزمەت كورسەتۋ بويىنشا جۇمىستى جاقسارتۋ ماقساتى قويىلدى.
كاسىپورىن جاقىن ارادا مەملەكەتتىك قارجىلىق كومەكتى پايدالانىپ، «بيزنەستىڭ جول كارتاسى 2020» باعدارلاماسى بويىنشا جاڭا سەرۆيستىك ورتالىقتاردى اشۋعا سۋبسيديا الۋدى جوسپارلاپ وتىر.
