قۇتقارۋشىلارىمىز «پروتون» قۇلاسا نە ىستەيدى؟

جاتتىعۋدىڭ تاقىرىبى: «بايقوڭىر عارىش ايلاعىنان ۇشىرىلعان زىمىران تاسىعىش اپاتقا ۇشىراعان جاعدايدا قۇتقارۋ جانە باسقا دا كەزەك كۇتتىرمەيتىن جۇمىسقا دايىندىق جانە ونى جۇرگىزۋ».

«تاج شتابى شەت اۋدانى اقجال كەنتىندە ورنالاسقان. وقيعا بىلاي ءوربيدى، «بايقوڭىر» عارىش ايلاعىنان «پروتون» زىمىران-تاسىعىشى ۇشىپ شىققاننان سوڭ 194 سەكۋند وتكەندە وقىس جاعداي ورىن الادى. اپات سالدارىنان «پروتون» اۋادا جارىلىپ، اپپارات سىنىقتارى ەلدى مەكەنگە قۇلايدى. بۇل رەتتە ءۇي قيراپ، ءۇيىندى استىندا ادامدار قالىپ قويادى»، دەلىنگەن حابارلامادا.

«سونداي-اق اۋىل ماڭىنا ر ن جۇردەك بلوگىنىڭ سىنىقتارى قۇلايدى. قۇلاعان جەردە شۇڭقىر پايدا بولىپ، اينالاسىنا ءورت جايىلىپ كەتەدى. سونىمەن بىرگە زىمىران وتىنى توگىلەدى.

پروتون سىنىقتارى اكىمشىلىك-تۇرمىستىق كەشەن عيماراتىن دا زاقىمدايدى. قۇلاعان عيمارات استىندا ءۇش ادام قالۋى مۇمكىن.

جاتتىعۋدا ت ج ايماعىن قورشاۋ، ىقتيمال زاقىمدانعان ايماقتارعا بارلاۋ جۇرگىزۋ، زىمىران وتىنى زاقىمداعان اۋماقتى زالالسىزداندىرۋ، ءورتتى اۋىزدىقتاۋ، زارداپ شەككەندەردى ىزدەستىرۋ مەن قۇتقارۋ شارالارى ورىندالدى»، - دەپ اتاپ وتىلگەن حابارلامادا.

مۇنداي جاتتىعۋلار زىمىران-تاسىعىش ۇشىرىلاتىن تاس جول ماڭىندا ورنالاسقان وبلىستىڭ باسقا دا اۋداندارىندا جۇرگىزىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى