كوكپەكتىدە سۋ تاسقىنىنان زارداپ شەككەندەرگە سالىنعان ۇيلەر پايدالانۋعا بەرىلەدى

«بەس ءۇي ەرتەڭ پايدالانۋعا بەرىلەدى، قالعانى 18- بەن 26 - تامىزدا اياقتالادى»، - دەدى وبلىس اكىمىنىڭ ءبىرىنشى ورىنباسارى اسىلبەك دۇيسەبايەۆ.

ول بارلىق قارجىلىق ماسەلەلەردىڭ شەشىلگەنىن اتاپ ءوتتى.

«مەردىگەرلەرمەن جۇمىس جاسالدى. بارلىق جوسىقسىز مەردىگەرلەر كەتىپ، ورنىنا باسقالارى كەلدى. ناتيجەسىندە جۇمىسكەرلەر سانى 100 دەن 400 گە دەيىن ارتتى. قازىر 10 مەردىگەرلىك ۇيىم جۇمىس جاساۋدا»، - دەدى ا. دۇيسەبايەۆ.

ونىڭ ايتۋىنشا، سالىنعان ۇيلەر باستاپقىدا جوسپارلانعانعا قاراعاندا، جايلى بولماق. ءوڭىر باسشىسى قۇرىلىس بارىسىن وڭ باعالادى.

«ءبىز ءوز مىندەتىمىزدى ورىندايمىز. حالىق بەلگىلەنگەن مەرزىمدە وزدەرىنە ارناپ سالىنعان ۇيلەرگە كىرۋى ءتيىس. ول ءۇشىن جۇمىستىڭ ورىندالۋ ساپاسىن قاتاڭ قاداعالاۋ قاجەت»، - دەدى ن. ابدىبەكوۆ.

ەسكە سالا كەتەيىك، 31- ناۋرىزدا تۇندە كوكپەكتى اۋىلىندا بوگەت بۇزىلىپ، 300 ءۇي سۋ استىندا قالدى، 5 ادام قازا تاۋىپ، 12 ادام زارداپ شەككەن.

قايتىس بولعانداردىڭ وتباسىلارىنا 1 ميلليون تەڭگە مولشەرىندە وتەماقى تولەندى.

ساراپشىلاردىڭ قورىتىندىسى بويىنشا 49 ءۇي اپاتتى دەپ تانىلدى، 273 ءۇي جوندەۋدى قاجەت ەتەدى. وبلىس بيلىگى كوكپەكتىلىكتەرگە كۇزگە دەيىن ءۇي سالىپ بەرۋگە ۋادە بەرگەن. تۇرعىن ۇيلەردى سالۋعا وبلىس اكىمىنىڭ رەزەرۆتىك قورىنان 300 ميلليون تەڭگەدەن استام قاراجات ءبولىندى.

ت ج-عا بايلانىستى لاۋازىمدى تۇلعالارعا، بوگەت يەسى مەن سۋ قويماسىن جالعا الۋشىعا قاتىستى قىلمىستىق ءىس قوزعالدى. وبلىس پروكۋراتۋراسىنىڭ اقپاراتى بويىنشا قازىرگى ۋاقىتتا ءبىرقاتار تۇلعالارعا ايىپ تاعىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى