ق ر ۇلتتىق مۇراجايىنىڭ زەرتتەۋشىلەرى ۇلكەن ولجاعا كەنەلدى- فوتو
وسى ۋاقىت ارالىعىندا زەرتتەۋشىلەر ەكىجاقتى وڭدەلگەن، شاقپاقتاستان جاسالعان پىشاق، تەگىستەلىپ جىلتىراتىلعان تاس بالتا، نايزانىڭ ۇشى، سابى قىسقا نايزانىڭ ساداعىن تاپقان.
ولجا كوشپەلى قازاق جەرىندە قۇرال- سايماندار مەن قارۋ- جاراقتىڭ پايدالانىلعاندىعىنىڭ كلاسسيكالىق ۇلگىسى. بۇل تۋرالى astana.kz سايتىنا ق ر ۇلتتىق مۇراجايىنان حابارلادى.
سونداي- اق، قازبا جۇمىستارى بارىسىندا اتتىڭ سۇيەكتەرى، بوتايلىقتاردىڭ ەڭبەك قۇرالدارى، كۇندەلىكتى تۇرمىستا قولدانعان زاتتارى، تابىنعان بۇيىمدارى تابىلعان. سونىمەن قاتار زەرتتەۋ بارىسىندا قونىستانعان جەرگە جاقىن 2 جەرلەۋ قۇرىلىسى انىقتالدى.
بوتاي مادەنيەتى كەلەسى داۋىردەگى مادەنيەتتىڭ دامۋىنا ۇلكەن ىقپال ەتتى. تابىلعان بۇيىمدار مەن نىساندار قازاقستاننىڭ بىرەگەي ايماعىنىڭ تاريحى مەن مادەنيەتىنە جاڭا، تىڭ اقپاراتتار قوساتىن بولدى.
ەسكە سالا كەتەيىك، 1 - تامىزدا ق ر ۇلتتىڭ مۇراجايىنىڭ عىلىمي قىزمەتكەرلەرى تاريحتا العاش رەت ارحەولوگيالىق ەكسپەديتسياعا شىققان ەدى. زەرتتەۋ نىسانى بولىپ ەنەوليت داۋىرىنەن قالعان بوتاي قونىسىنداعى ەسكەرتكىش تاڭدالعان. بۇل ساپار قر ۇلتتىق مۇراجايىنىڭ عىلىمي- زەرتتەۋ جۇمىستارىنىڭ باستاۋى بولدى. سونىمەن قاتار تاريح پەن مادەنيەتىمىزدەگى ەسكەرتكىشتى زەرتتەپ قانا قويماي، قازاقستان تاريحى مەن ارحەولوگياسىنداعى عىلىمي قىزمەتكەرلەردىڭ بىلىكتىلىگىن جەتىلدىرۋگە دە مۇمكىندىك بەرەدى.
