قىزىلوردا وڭىرىندە ۋلى جىلاندار ادامدارعا ءجيى- ءجيى شابۋىل جاساپ جاتىر

 ولاردىڭ ارالارىندا مەكتەپ جاسىنداعى بالالار دا بار. دارىگەرلەر ءتىپتى بۇنداي جاعدايدان سوڭ، ولارعا ارنايى ورىندار اشىپ وتىر. ايتۋلارىنشا، جىلاننىڭ ۋى تاراماي تۇرىپ، بىردەن مەديتسينالىق كومەك كورسەتىلگەندە، ادام تەز ساۋىعىپ كەتە الادى.

سىرداريا اۋدانىنا قاراستى ايدارلى اۋىلىنىڭ تۇرعىنى ەرماحان ءابدىرامانوۆ اۋرۋحاناعا اۋىر حالدە تۇسكەن. 44 جاستاعى ازاماتتى ۋلى جىلان باقشادا جۇرگەن كەزىندە شاعىپتى. ءسويتىپ ول دەرەۋ اۋىلدىق امبۋلاتوريا دارىگەرىنىڭ كومەگىنە جۇگىنەدى. الايدا دەنەگە تاراعان ۋىتتىڭ كۇشى قايتپاعان سوڭ ابدەن السىرەگەن ناۋقاس وبلىستىق مەديتسينا ورتالىعىنا جەتكىزىلەدى. ءقازىر جاعدايى ءبىر قالىپتى.

 ەرماحان ءابدىرامانوۆ، ەم الۋشى:

- باقشاعا بارعانمىن. قيار جينايىن دەپ پالەك اراسىن اشىپ جاتقان كەزدە ءبىر قىسقا سۇر جىلان قولىمدى سارت ەتكىزىپ شاعىپ الدى. جىلان شاققان كەزدە قولىم ىسە باستادى. جاعدايىم بولماي، باسىم اينالىپ، كوزىم كورمەي، قاراۋىتا باستادى. كەشكىسىن ساعات 9 عا دەيىن وسى اۋرۋحاناعا جەتكىزىلدىم.

«جالپى جاز باستالعالى مۇنداي وقيعالار جيىلەپ كەتتى» ، - دەيدى ماماندار. بۇل وڭىردە ءتۇسى سۋىق باۋىرىمەن جورعالاۋشىنىڭ ون ءتۇرى كەزدەسەدى ەكەن. ولاردىڭ ىشىندە ادامعا شابۋىل جاسايتىندارى - وردالى، سۇر، سۋ جانە وق جىلاندار. سوندىقتان تابيعات اياسىنا دەمالىسقا شىققاندا نەمەسە ەگىستىكتىك القاپتا جۇرگەندە اباي بولعان ءجون. ءتىپتى العاشقى دارىگەرلىك كومەك كورسەتۋ ادىستەرىن دە بىلە جۇرگەن ابزال.

ەربولات الدابەرگەنوۆ، دارىگەر- توكسيكولوگ:

- كوبىنەسە نە اياقتان نەمەسە قولدان شاعادى. 10 مينۋت ىشىندە جىلان شاققان جەردى اۋىزبەن ۋىن سورىپ، تۇكىرىپ تاستاۋعا بولادى. ەگەر اۋىزدا جارا بولماسا. جىلانعا قارسى انتيتوتا بار. ۋعا قارسى انتيتوتتى جەدەل تۇردە سالۋىمىز كەرەك.

جۇرتتى دۇرلىكتىرگەن تەك جىلان ەمەس. قاراقۇرت تا تۇرعىندارىڭ ابدەن زارەسىن الىپ بولعان. جاز كەلگەلى ەكى ادام قاۋىپتى جاندىكتەن جاپا شەكتى.

31- ارنا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى