قازاقستاندىق دارىگەرلەر ەبولا بەزگەگىمەن كۇرەسۋگە دايىن
«وتاندىق دارىگەرلەر ءارقاشان دايىن. اي سايىن، اسىرەسە سوڭعى وقيعالاردان كەيىن ەرەكشە قاۋىپتى ينفەكتسيالاردىڭ الدىن الۋ جانە قارسى ارەكەت ەتۋ بويىنشا ۇنەمى وقىتۋ جۇمىستارى جۇرگىزىلەدى. ول وسىعان دەيىن جۇرگىزىلگەن جانە الداعى ۋاقىتتا دا جالعاسىن تابادى»، - دەپ سەندىردى كوشەروۆا.
ونىڭ سوزىنە قاراعاندا، قازاقستاندا ەرەكشە قاۋىپتى ينفەكتسيالاردى جۇقتىرعان ناۋقاستاردى ەمدەۋ ءادىسى بار. ەبولا بەزگەگى وسى ساناتقا جاتادى.
«ەگەر قازاقستاندا وسىنداي جاعدايلار بولسا، بىزدە مىندەتتى تۇردە جەكە كىرىپ-شىعاتىن ورنى بار گوسپيتال جايىلادى. بارلىق ينفەكسيالىق ستاتسيونارلاردا بىزدە وباعا قارسى كيىمدەر بار، دارىگەرلەردىڭ ءبارى ەرەكشە قاۋىپتى ينفەكسيالى ناۋقاسپەن قالاي جۇمىس ىستەۋ كەرەكتىگىن بىلەدى»، - دەپ اتاپ ءوتتى ول.
ۆيرۋس ەشقاشان جۇقپايدى دەپ ايتۋعا بولمايدى، دەيدى ساراپشى. ينفەكسيانىڭ بىرنەشە تارالۋ جولى بار. «قازاقستاننىڭ سانيتارلىق ەپيدەميولوگتارى الەمدە بولىپ جاتقان وقيعالارعا دەرەۋ نازار اۋدارادى، الدىن الۋ شارالارىنا بىردەن كىرىسەدى. قازىرگى ۋاقىتتا ءبىزدىڭ ەل اۋماعىنا افريكادان كەلۋشىلەر قاتاڭ باقىلاۋعا الىنعان»، - دەپ قوستى دارىگەر.
ەسكە سالا كەتەيىك، قازاقستاننىڭ باستى مەملەكەتتىك سانيتارلىق دارىگەرى جانداربەك بەكشين ازاماتتاردان مۇمكىندىگىنشە ەبولا ۆيرۋسى تاراعان ەلدەرگە بارماۋدى سۇرادى. اۋرۋدىڭ بەلگىلەرى بىلىنگەن جاعدايدا، بىردەن مەديتسينالىق كومەككە جۇگىنۋ كەرەك، دەگەن بولاتىن قازاقستاندىقتارعا قاراتا ايتقان سوزىندە بەكشين.
