سازگەر تەمىرالى باقتىگەرەيەۆ دۇنيەدەن وزدى

شيرەك عاسىردان استام شىعارماشىلىق قىزمەتىندە ول 300 دەن استام ءاننىڭ اۆتورى اتاندى. سازگەردىڭ 2013 -جىلى 18- اقپاندا الماتىداعى ستۋدەنتتەر سارايىندا «بارىپ قايت، بالام، اۋىلعا!» دەگەن اتپەن شىعارماشىلىق قىزمەتىنىڭ 40 جىلدىعىنا ارنالعان مەرەيتويلىق ءان كەشى وتكەن ەدى.

تەمىرالى باقتىگەرەيەۆ 1950 - جىلى 23- شىلدە كۇنى باتىس قازاقستان وبلىسىنىڭ كازتالوۆ اۋدانى بەرەزين اۋىلىندا دۇنيەگە كەلگەن بولاتىن. الماتىداعى پ. چايكوۆسكي اتىنداعى مۋزىكالىق ۋچيليشە مەن ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىن بىتىرگەن ول كەيىن ساراتوۆ كونسەرۆاتورياسىندا وقىعان.

تەمىرالى باقتىگەرەيەۆ ا. قادىربايەۆانىڭ «بارىپ قايت بالام، اۋىلعا تۋعان، بارىپ قايت»، ج. قاشقىنوۆتىڭ «عاشىقتار سەنىمى»، ف. وڭعارسىنوۆانىڭ «ساعىنىش» سياقتى ولەڭدەرىنە جازعان اندەرىمەن جۇرتشىلىق اراسىندا كەڭىنەن تانىمال بولعان سازگەر 2004- جىلى جول كولىك اپاتىنان كەيىن مۇگەدەك بوپ قالعان ەدى. مارقۇممەن قوشتاسۋ سەنبى كۇنى الماتىدا وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى