تاڭەرتەڭ قالاي ساندەنۋ كەرەك؟
بۇل جاعدايلاردىڭ سالدارىمەن قالاي كۇرەسۋ كەرەكتىگىن جانە كەلبەتىڭىزدىڭ سۇلۋلىعىن تەز قايتارۋدىڭ امالدارىن وسى ماقالامىزدا ءسوز قىلامىز.
سپورتپەن شۇعىلدانىڭىز
بارىنەن بۇرىن تاڭعى جۇگىرۋ تاماشا قۋات بەرەدى. يوگامەن اينالىسساڭىز ءتىپتى جاقسى. تىم قۇرىعاندا «مەكتەپ» جاتتىعۋلارىن جاساڭىز. ءبىراق مۇندا شامادان تىس تىرىسۋدىڭ قاجەتى جوق: ەگەر تۇنىمەن جۇمىس ىستەسەڭىز اعزاڭىز بۇعان دايىن بولماۋى مۇمكىن.
سپورتپەن شۇعىلدانىپ بولعان سوڭ سەرگىتەتىن گەلمەن دۋشقا ءتۇسىڭىز. ال ەگەر تەرىڭىز قۇرعاق بولسا، سىزگە كرەم-گەل نەمەسە ماي پايدالى بولادى.
قۇرالدىڭ ءوزى مەنتولدان، ال ونىڭ حوش ءيىسى -سەرگىتەتىن جالبىز نەمەسە سيترۋستاردان تۇراتىن بولسا ءتىپتى جاقسى. سالقىن سۋدىڭ استىندا تۇرىپ سۋدىڭ شارشاعاندىعىڭىزدى كەتىرىپ، دەنەڭىزدى قۋاتقا بولەپ جاتقانىن ەلەستەتىڭىز. وڭ نيەت تاڭەرتەڭ ماڭىزدى ءرول اتقارادى.
سۋىق سۋمەن جۋىنىڭىز
نەمەسە بىرەسە سالقىن، بىرەسە جىلۋ سۋمەن جۋىنعانىڭىز ابزال. مۇنداي دۋش قان اينالىمىن جاقسارتىپ، بەتتىڭ ىسىگىن باسادى، ۇساق تەسىكتەردى جاسىرادى جانە سەرگۋگە مۇمكىندىك بەرەدى. ال تاڭەرتەڭ مۇزبەن بەتتى ءسۇرتۋ كەرەك دەگەن كەڭەستەرگە سەنبەڭىز: مۇنداي ءادىس تەرىسى قالىڭ كۋپەروزعا بەيىم ەمەس قىزدارعا جارايدى، قالعاندارىنا زيان كەلتىرۋى مۇمكىن.
بەت تەرىسىن تازارتۋدى دا ۇمىتپاڭىز. جاسۋشالار تۇندە قارقىندى وندىرگەن ارتىق مايدى كەتىرىپ، كوسمەتيكالىق قۇرالداردىڭ بەلسەندى زاتتارىنىڭ تەرەڭ سىڭۋىنە جول بەرەسىز. سكراب پايدالانساڭىز بولادى.
سەرگىتەتىن سپرەي نەمەسە تونيك قولدانىڭىز. قۇرامىندا ءسپيرتى از قۇرالداردى تاڭداۋعا تىرىسىڭىز. نەمەسە بەتىڭىزدى گازدالعان مينەرالدى سۋمەن شايىپ جىبەرسەڭىز بولادى، بۇل بەتىڭىزدىڭ ءوڭىن قالپىنا كەلتىرەدى.
تەز جاسالاتىن ماسكا
تەز اسەر ەتەتىن ماسكا بەتىڭىزدىڭ ىسىگىن باسادى. بۇگىندە دايىن ماسكالاردىڭ ءتۇر-ءتۇرى بار، الايدا ەگەر كوسمەتيكاعا سەنبەسەڭىز، مىنا رەتسەپتتەر بويىنشا ءوزىڭىز دايىنداي الاسىز:
ورتا مولشەردەگى قياردى ۇككىشتەن وتكىزىپ نەمەسە بلەندەردە ارالاستىرىپ، وعان ەكى- ءۇش قۇلپىنايدى قوسىڭىز. ماسكانى 15-20 مينۋت ۇستاڭىز.
باناننىڭ جۇمساعىن ەزىپ، وعان ءۇش قاسىق ىرىمشىك، ءبىر كوبىكتەنگەن جۇمىرتقانىڭ سارىسىن، ە دارۋمەنىنىڭ ءبىر كاپسۋلاسىن جارىپ قوسىڭىز. ءبارىن ارالاستىرىپ، 20 مينۋتقا بەتىڭىزگە ماسكا جاساڭىز.
ىسىكتى باساتىن كرەم پايدالانىڭىز
بۇگىندە تاڭەرتەڭگى بەتتىڭ ىسىگىن باسۋعا ارنالعان ءتۇرلى كرەمدەر بار. ەگەر بەتىڭىز ءجيى ىسەتىن بولسا، سونداي كرەمدەردىڭ ءبىرىن الىپ قويۋدى ۇسىنامىز. سونىمەن قاتار بەتتىڭ ىسىگىن باسۋعا كومەكتەسەتىن حالىقتىق تاسىلدەر دە بار. قارا قويۋ شاي نەمەسە كوك شايدى قايناتىپ، وعان كوسمەتيكالىق ماقتانىڭ جارتىسىن باتىرىپ، ءبىراز ۋاقىتقا توڭازىتقىشقا سالىپ قويىڭىز. سۋىق ماقتا شەڭبەرلەردى كوزىڭىزدىڭ استىنا ورنالاستىرىپ، 5-10 مينۋت ۇستاڭىز. شاي ورنىنا كوفە دە قولدانۋعا بولادى.
ال كوزىڭىزدى جارقىراتۋ ءۇشىن قول جۋعىشقا ەڭكەيىپ، سۋىق سۋدى كوزىڭىزگە شاشىڭىز، جانە كوزىڭىزدى تەز-تەز جىپىلىقتاتىڭىز.
دايىنداعان: انار مۇستافينا
massaget.kz
