الماتىدا سپورت كۇنى اياسىندا «شىمبۇلاق» تاۋ-شاڭعى شيپاجايىندا داۋنحيللدەن جارىس وتەدى

ونىڭ ايتۋىنشا، بيىل شىمبۇلاقتا ەلىمىزدە تۇڭعىش رەت حالىقارالىق تالاپتارعا ساي داۋنحيلل جولى سالىنعان. قۇلاما بيىكتىك 600 مەتردى قۇرايدى. جارىس 17- تامىز كۇنى 11:00-15:00 ساعات ارالىعىندا وتەدى.

«داۋنحيلل، ياعني ۆەلوسيپەدپەن تاۋ باسىنىنان تومەن قاراي جىلدام ءتۇسۋ جارىسى قازاقستاندا ەڭ جاس سپورت تۇرلەرىنىڭ ءبىرى. قازىر الماتىدا داۋنحيللمەن 100 دەن استام عانا ادام اينالىسادى. سوندىقتان، ونى تانىتۋ ماقساتىندا وسىنداي جارىس ۇيىمداستىرىلىپ وتىر. ءبىرىنشى ورىن العان جەڭىمپازدارعا بەينەكامەرا، ال ەكىنشى ورىن العان سپورتشىلارعا داۋنحيلل پاركىنە بارۋعا تەگىن سەرتيفيكاتتار بەرىلەدى. ال سونىمەن قاتار، شيپاجايدا وتباسىلارعا ارنالعان ءار ءتۇرلى قىزىقتى جارىستار وتەدى. جەڭىمپازدارعا باعالى سىيلىقتار تابىس ەتىلەدى. جالپى، شيپاجايدا جاز مەزگىلىندە دە دەمالىس كۇندەرىن وتە قىزىقتى وتكىزۋگە بولادى. مۇندا ءار ءتۇرلى سپورتتىق جارىستارمەن قاتار، تاۋعا جورىق جاساۋ شاراسى ۇيىمداستىرىلعان»، - دەدى سايا وقاس.

تاعى ءبىر ايتا كەتەتىن جايت، بۇل كۇنى تاڭەرتەڭ ساعات 10:00دەن 11:00 گە دەيىن اسپالى جول تەگىن جۇمىس ىستەيدى. مەدەۋ شاتقالىنا اپاراتىن 12- باعىتتاعى اۆتوبۋستار كۇشەيتىلگەن رەجىمدە جۇمىس ىستەيتىن بولادى. بۇل كۇنى «شىمبۇلاق» شيپاجايى 6 مىڭ ادامعا دەيىن قابىلداي الادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى