ۇلتتىق تەلەارنادا جاستار پوەزياسىنا ارنالعان جوبا كورەرمەنگە جول تارتادى
بۇل تۋرالى ۇلتتىق تەلەارنانىڭ باسپا ءسوز قىزمەتى حابارلادى.
وتاندىق تەلەارنالاردا پوەزياعا، اسىرەسە، جاستار پوەزياسىنا ارنالعان جەكە باعدارلاما جوق. «پوەزيا الەمى» - بۇگىنگى قازاق اقىندارىنىڭ ءومىرى مەن تىنىس- تىرشىلىگى، جەتكەن جەتىستىكتەرى جانە ولاردىڭ پوەزياسىمەن تانىستىراتىن ەكسكليۋزيۆتى جوبا.
جوبانىڭ ماقساتى - پوەزيانى جاڭا قىرىنان، جاڭا فورماتتا تانىتۋ، پوەزيانى وقۋدا بيىك تالعام قالىپتاستىرۋ، اعارتۋشىلىق باعىتىندا جۇمىس جاساۋ، بۇگىنگى قازاق پوەزياسىنىڭ جەتكەن جەتىستىكتەرىن كورسەتۋ، قازاق پوەزياسىنا جاڭا لەپ اكەلگەن جاڭا ەسىمدەردى انىقتاۋ.
سونىمەن قاتار جەكە اقىننىڭ وزىنە عانا ءتان پورترەتىن جاساپ شىعارۋ جانە ونىڭ ومىرىندەگى ەڭ قىزىقتى، ەڭ قايعىلى نەمەسە ەڭ شەشۋشى ساتتەرىندەگى مىنەز قۇلقى مەن بولمىسىن اشىپ كورسەتۋ شىعارماشىلىق توپتىڭ نەگىزگى ماقساتى بولدى.
«پوەزيا الەمى» باعدارلاماسىنىڭ وزگە ادەبي تانىمدىق باعدارلامالاردان ەرەكشەلىگى جاس اقىننىڭ ولەڭدەرىنە ارنايى بەينەباياندار ءتۇسىرىلدى.
«پوەزيا الەمى» جوباسىنىڭ العاشقى كەيىپكەرى - جاستار ادەبيەتىنىڭ كوش باسىندا تۇرعان اقىن مارالتاي رايىمبەك .
«قازاقستان» ۇلتتىق تەلەارناسىنان 16 - تامىزدا ساعات 12.55 تە «پوەزيا الەمى» باعدارلاماسىن كورىڭىزدەر!
