قازاقستاندىقتار قىتايعا ءۇش كۇندىك ۆيزاسىز رەجىمدە ساپارلادى
شارانىڭ اشىلۋ راسىمىنە قۇرامىندا شىعىس قازاقستان وبىلىسى اكىمىنىڭ ورىنباسارى، زايسان جانە جارما اۋداندارىنىڭ اكىمدەرى، ەكى ەل وڭىرلەرىنىڭ ەكونوميكالىق، مادەني جانە گۋمانيتارلىق بايلانىستارىن دامىتۋعا جاۋاپتى باسقارمالار مەن ۆەدومستۆولاردىڭ باسشىلارى بولعان دەلەگاتسيا قاتىستى.
بۇدان باسقا، وبلىس دەلەگاتسياسى ىشىندە قىزمەتى اۋىل شارۋاشىلىعىمەن، ەنەرگەتيكا، ونەركاسىپ، بۇعى شارۋاشىلىعى جانە پانتا ونىمدەرى، فانەرا مەن مەتالل بۇيىمدارى وندىرىسىمەن بايلانىستى شىعىس قازاقستاندىق كاسىپكەرلەر توبى بولدى.
قىتايدىڭ شىنجاڭ- ۇيعىر ولكەسىنە ءۇش كۇنگە بارعان قازاقستاندىق دەلەگاتسيا قىتاي اۆتونومياسىنىڭ باسشىلىعىمەن رەسمي دەڭگەيدە كەلىسسوزدەر مەن تانىستىرىلىمدار وتكىزدى. ش ق و دەلەگاتسياسىنىڭ كورشى قىتايلىق پروۆينتسياعا ساپارى بۇگىن بىرلەسكەن قىتايلىق- قازاقستاندىق مادەني باعدارلامامەن اياقتالماق، دەلىنگەن ش ق و كەدەندىك باقىلاۋ دەپارتامەنتىنىڭ باسپا ءسوز قىزمەتىنىڭ حابارلاماسىندا.
