جاسوسپىرىمدەر اراسىندا بوكستان قازاقستان چەمپيونى كوز جۇمدى

15 جاستاعى سپورتشى ءبىر اي بويى الماتىداعى جەكەمەنشىك اۋرۋحانانىڭ جانساقتاۋ بولىمىندە اجالمەن ارپالىسقان ەدى. بوكسشى جارىس كەزىندە ەسىنەن تانىپ قالعان.

الايدا جاساندى اپپاراتپەن تىنىستاپ كەلگەن ول سول كۇيى ەسىن جيعان جوق، تىلگە كەلمەدى. كۇندىز-ءتۇنى ونى باقىلاعان دارىگەرلەر بوزبالا اۋرۋىنان ايىعىپ كەتەدى دەپ ۇمىتتەنگەن ەدى. «بۇل سوققىنىڭ اسەرىنەن بولۋى دا مۇمكىن. باس-مي جاراقاتى، ياعني اشىق، جابىق باس سۇيەگى ميى زاقىمدانىپ، ناتيجەسىندە ميدىڭ قان تامىرلارىن ىسىك جايلايدى. ياعني سونىڭ سالدارىنان ناۋقاس وسىنداي كۇيگە تۇسەدى»، - دەيدى ءجاسوسپىرىمنىڭ ەمىمەن اينالىسقان دارىگەر-نەيروحيرۋرگ جالال مۋسايبوۆ.

شىلدەنىڭ 5 - كۇنى الماتى وبلىسىنىڭ ءۇشقوڭىر اۋىلىندا وتكەن پرەزيدەنت كۋبوگى ءۇشىن دودادا ەميل ەستەن تانىپ، قۇلاعان بولاتىن. مارقۇمنىڭ تۋىستارى جارىس وتكەن مادەنيەت ءۇيىنىڭ ءىشى ىستىق بولىپ، جەلدەتكىشتەردىڭ ىستەمەگىنىن ايتىپ، شاعىمدانعان ەدى. ال جاس تا بولسا، شارشى الاڭدا قارسىلاستارىنا دەس بەرمەگەن ەميل يدريسوۆتىڭ قازاسىنا بايلانىستى قىلمىستىق ءىس قوزعالا ما، جوق پا، ول جاعى ازىرگە بەلگىسىز بولىپ تۇر.

تۋىستارى ونىڭ دەنەسىن تۋعان جەرى جامبىل وبلىسىنىڭ مەركە وڭىرىنە جەرلەۋ ءۇشىن الىپ كەتتى.

24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى