الماتى وبلىسىندا قىمبات كولىگى ءۇشىن ادام ولتىرگەن ەكى جىگىت جازاعا كەسىلدى
ۇكىمدى وبلىستىق قىلمىستىق ىستەر جونىندەگى اۋدانارالىق مامانداندىرىلعان سوت شىعاردى.
بۇل تۋرالى الماتى وبلىستىق سوتىنىڭ باسپا ءسوز قىزمەتىنەن حابارلادى.
ەستەرىڭىزگە سالا كەتەيىك، بيىل اقپان ايىندا ۇلكەن الماتى كانالىنىڭ ماڭىندا ەر ادامنىڭ ءمايىتى تابىلعان بولاتىن. 72 جاستاعى ەر ادامنىڭ قاسكويلەردىڭ قولىنان قازا بولعاندىعى انىقتالعان سوڭ پوليتسيا قىزمەتكەرلەرى كوپ ۇزاماي كۇدىكتى رەتىندە ونىڭ 20 جاستاعى كورشىلەرىن ۇستادى.
تەرگەۋ بارىسىندا بەلگىلى بولعانداي، تالعار اۋدانىنىڭ تۇرعىندارى كورشىسىنىڭ جول تالعامايتىن قىمبات كولىگىن ۇرلاپ، بولشەكتەپ ساتىپ جىبەرۋدى ماقسات تۇتقان. سول ماقساتتا ولار قارتاڭ ادامدى ۇرىپ-سوعىپ، ۇلكەن الماتى كانالىنىڭ بويىندا قالدىرىپ كەتكەن. العان جاراقاتىنان قاريا سول جەردە جان تاپسىردى.
وبلىستىق قىلمىستىق ىستەر جونىندەگى اۋدانارالىق مامانداندىرىلعان سوتىنىڭ سۋدياسى ايىپتالۋشىلاردى كىنالى دەپ تاۋىپ، ولاردىڭ ءبىرىن 19 جىل، ەكىنشىسىن 18 جىلعا باس بوستاندىعىنان ايىرۋ تۋرالى شەشىم شىعاردى.
اۆتور: گۇلميرا ءعوسمانالي
