قازاق- قىرعىز شەكاراسىندا اتىس بولدى

الماتى وبلىسى قاراساي شەكارا وتريادىنىڭ شەكاراشىلارى قىزمەت بارىسىندا قازاقستان رەسپۋبليكاسىنىڭ اۋماعىندا جۇرگەن ءۇش سالت اتتىنى بايقايدى. ۇستاۋ كەزىندە بەلگىسىز تۇلعالار شەكاراشىلاردىڭ توقتاۋ تۋرالى تالابىنا قۇلاق اسپاستان، قارسىلىق كورسەتىپ، اڭشىلىق مىلتىعىنان شەكارا ناريادىنا 5 رەت وق اتىپ، وزدەرى قاشىپ قۇتىلۋعا تىرىستى. شەكارا ناريادىنىڭ امالسىزدان قارۋ قولدانۋىنا تۋرا كەلدى، ولار 1 رەت اسپانعا، سودان كەيىن شەكارا بۇزۋشىلارعا قاراتىپ 2 رەت وق اتتى.

اتىس كەزىندە ەشكىم زارداپ شەككەن جوق. قىرعىز رەسپۋبليكاسىنىڭ ەكى ازاماتى ۇستالىپ، بىرەۋى كورشىلەس مەملەكەتتىڭ اۋماعىنا قاراي قاشىپ قۇتىلدى. ۇستالعان ازاماتتار قىرعىز ەلىنىڭ مالشىلارى بولىپ شىقتى. ولار دارىلىك شوپتەردى جيناۋعا كەلىپتى. تەكسەرە كەلگەندە، ولاردان وپتيكالىق كوزدەگىشى بار ۇساق ۇڭعىلى مىلتىق، ءدۇربى تابىلدى.

اتالعان دەرەك بويىنشا قۇقىق قورعاۋ ورگاندارى حابارلاندىرىلدى. قازىرگى ۋاقىتتا تەرگەۋ امالدارى جۇرگىزىلۋدە. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى