ەشكى ءسۇتىنىڭ قاسيەتى
سونىمەن قاتار، ەرتەرەكتە اۋىر ناۋقاستان كەيىن قالىپقا كەلۋ ءۇشىن ەشكى ءسۇتىن ىشكەن ەكەن. ەجەلگى ريمدە ەشكى سۇتىمەن باۋىر اۋرۋىن ەمدەگەن. ەشكى ءسۇتى الەمدە كەڭ تانىمال، ءبىراق وسى ءسۇتتى پايدالانۋدان كوش باستاپ تۇرعاندار - ازيا ەلدەرى ىشىندەگى ءۇندىستان، بانگلادەش، پاكىستان جانە جەرورتا تەىڭىزى جاعالاۋىنداعى ەلدەر - پورتۋگاليا، يسپانيا، فرانسيا، گرەكيا، يتاليا بولىپ تابىلادى.
قۇرامى
ەنەرگەتيكالىق قۇندىلىعى - 66،7 ككال، اقۋىزدار - 3 گرام، مايلار - 4،2 گرام، كومىرسۋلار - 4،5 گرام.
سيىر سۇتىنە قاراعاندا ەشكى سۇتىنىڭ تۇسى اپپاق بولادى. ال ونىڭ قۇرامىندا قىرىقتان استام بيولوگيالىق كومپونەنت بار. ەڭ ماڭىزدىلارى - ا، س، ۆ1، ۆ2، ۆ6، ۆ12 ۆيتاميندەرى، امينقىشقىلدارى، فەرمەنتتەر مەن ميكروەلەمەنتتەر. سيىر سۇتىنىڭ قۇرامىندا از كەزدەسەتىن ەلەمەنتتەر ەشكى سۇتىندە وتە مول. ءبىر عانا كوبالت باسقا جانۋارلاردىڭ سۇتىنە قاراعاندا ەشكى سۇتىندە 6 ەسە جوعارى بولادى. كوبالت اعزاداعى قان اينالىمدى جاقسارتىپ، زات الماسۋ پروسەسىنە جاعىمدى اسەر ەتەدى.
ەشكى سۇتىندەگى تاعى ءبىر ماڭىزدى ەلەمەنت - كالي. بۇل جۇرەك-تامىر جۇيەسىندە اقاۋى بار جاندار ءۇشىن ەڭ قاجەتتى ەلەمەنت.
كالي مەن ماگني اعزاداعى زياندى ەلەمەنتتەر - سترونسي مەن راديونۋكليدتەردى شىعارۋعا كومەكتەسەدى. سوندىقتان ۇلكەن قالا تۇرعىندارىنا ەشكى سۇتىن ءىشۋ ۇسىنىلادى.
ماگني جەتىسپەۋشىلىگى قاۋىپتى اۋرۋلارعا اكەپ سوقتىرۋى مۇمكىن. ادام اعزاسى تاۋلىگىنە 400 م گ ماگني قاجەت ەتەدى. وسى قاجەتتىلىكتى ەشكى سۇتىنەن السا، حولەستەريندى ازايتىپ، بۇيرەككە تاس جينالۋىنىڭ الدىن الادى. سونداي-اق قان قىسىمى قالىپقا كەلەدى.
ەشكى سۇتى البۋمينگە باي بولعاندىقتان، قۇرامىنداعى اقۋىز اعزاعا تەز سىڭەدى.
ەمدىك قاسيەتى
ەشكى سۇتىن گيپپوكرات قۇرت اۋرۋىمەن اۋىرعاندارعا ەم رەتىندە ءىشۋدى ۇسىنسا، ءىيبن سينا اينالاسىنداعىلارعا: «بالالارىڭنىڭ الدىندا قارتايىپ، مۇساپىر حالگە جەتكىلەرىڭ كەلمەسە، ەشكى سۇتىن ىشىڭدەر» دەپ، ۇزاق جاساۋعا پايداسى زور ەكەنىن اتاپ وتكەن ەكەن.
پەدياتريادا جاڭا تۋعان نارەستەنىڭ ءىش جۇرۋىن قالىپقا كەلتىرۋ ءۇشىن ەڭ بىرىنشى ەشكى سۇتىن بەرەدى جانە انا سۇتىن الماستىرا الادى، ءبىراق بالانى انا سۇتىنەن ايىرماعانىڭىز جون.
ارتىق سالماق تاستاعىسى كەلەتىن جاندارعا دا ەشكى سۇتىن ءىشۋ ۇسىنىلادى. ونىڭ قۇرامىنداعى ماي ادام دەنەسىنە ارتىق ماي بولىپ جينالمايدى.
سۋىق تيگەندە دە پايداسى مول.
ونكولوگيالىق اۋرۋلاردىڭ الدىن الادى.
اياعى اۋىر كەلىنشەكتەر ەشكى سۇتىن ىشسە، بالانىڭ قاڭقاسى، تىستەرى جاقسى داميدى.
ەسكەرتۋ!
اۋرۋعا ەم ىزدەيمىن دەپ، اۋرۋ تاۋىپ الماڭىز. ەشكى سۇتىن تانىمايتىن ادامداردان، كەز كەلگەن جەردەن ساتىپ الۋعا بولمايدى. سارىپ (برۋسەلل(ز) اۋرۋىنىڭ ىينفەكسياسىن جۇقتىرىپ الۋىڭىز مۇمكىن. اشەك اۋرۋلارىمەن اۋىرىپ قالماس ءۇشىن ساتىپ العان سۇتتى جاقسىلاپ قايناتىپ الىڭىز.
دايىنداعان: نازەركە سماعۇل
massaget.kz
