اياۋلى استانا - «قازاقپاراتتىڭ» كوز الدىنداعى كورىكتى مەكەن - فوتو

قازاقستاننىڭ جۇرەگى، بار قازاقتىڭ ماقتانىشى اياۋلى استانا «قازاقپاراتتىڭ» كوز الدىندا كوركەيدى. ەلباسى ءوز قولىمەن تۇرعىزعان اجارلى استانامىزدىڭ ءار كوشەسىندەگى قالت ەتكەن وزگەرىستى ءمۇلت جىبەرمەي ءدۇيىم جۇرتقا، ءتىپتى جەر-جاھانعا قۋانا جار سالىپ، جاقسىلىقتى جاريا ەتۋگە اسىعاتىن دا وسى - قازاقپارات.

بۇگىن قىزمەتىنە 94 جىل تولىپ وتىرعانىنا بايلانىستى ەل ماقتانىشى استانا قالاسى تۋرالى نازارلارىڭىزعا اگەنتتىك فوتوتىلشىلەرى ءار جىلدارى تۇسىرگەن سۋرەتتەردەن ارنايى فوتورەپورتاج ۇسىنامىز.

جالپى، 94 جىل قىزمەتىندە اقپارات اگەنتتىگىندە سان سالانى قامتيتىن سۋرەتتەر قورى جاساقتالدى. بۇل كۇندە «قازاقپاراتتىڭ» فوتو مۇراعاتىندا 1000000-عا جۋىق فوتو بار ەكەن. مۇنى ەلىمىزدىڭ فوتوسۋرەت شەجىرەسى دەۋگە بولاتىنداي. بۇل سالادا ءوز ءىسىنىڭ حاس شەبەرلەرى ءار جىلدارى جۇمىس جاسادى.

ولار: اناتولي ۋستينەنكو، يۋري بەككەر، يوسيف بۋدنيەۆيچ، ەركەبۇلان نۇرجانوۆ، ميحايل چۋمين، نيكولاي كۋزنەتسوۆ، ۆالەري شيپۋلين. فوتوگرافيا سالاسىنىڭ مەترى الەكساندر پاۆسكي اگەنتتىكتە قىزمەتىن جالعاستىرىپ كەلە جاتسا، مۇحتار حولدوربەكوۆ پەن ۆيكتور فەديۋنين - اگەنتتىكتىڭ بۇگىنگى فوتوشەجىرەسىن جاساۋشىلار.

ولاي بولسا، «قازاقپارات» فوتوتىلشىلەرى تۇسىرگەن استانا تۋرالى ەستەلىك سۋرەتتەردى تاماشالاڭىزدار.

«قازاقپاراتتىڭ» بۇگىنگى قۋانىشى بارشامىزعا قۇتتى بولسىن!

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى