نانجيڭ وليمپياداسىندا قازاقتىڭ تۋىن كىم ۇستاپ شىعاتىنى بەلگىلى بولدى

ابىلايحان ءجۇسىپوۆ 1997- جىلدىڭ 10- قاڭتارىندا قاراعاندى وبلىسى اباي اۋدانىندا دۇنيەگە كەلگەن. ول 8 جاسىنان بوكسپەن اينالىسادى. اباي قۇنانباي ۇلى اتىنداعى 5№ گيمنازيا مەكتەبىنىڭ تۇلەگى.

2013- جىلى قاراعاندى قالاسىندا وتكەن جاسوسپىرىمدەر اراسىنداعى ەل بىرىنشىلىگىندە التىننان القا تاقسا، سول جىلى ازيا (شىمكەنت قالاسىندا وتكەن) جانە الەم چەمپيوناتىندا (كيەۆ) 57 كەلى سالماق دارەجەسىندە توپ جاردى.

ال 2014- جىلى گەرمانيادا ۇيىمداستىرىلعان براندەنبۋرگ كۋبوگىندە «ا» دارەجەسى بويىنشا جەڭىمپاز اتانادى.

سونىمەن قاتار بانگكوكتە جاستار اراسىندا وتكەن ازيا بىرىنشىلىگىندە 60 كەلى سالماقتا 1- ورىن يەلەنىپ، «ازيانىڭ ەڭ ۇزدىك بوكسشىسى» اتاعىن الدى. ال ءساۋىر ايىندا الەم چەمپيوناتىندا (سوفيا) بارلىق قارسىلاسىنان باسىم ءتۇسىپ، ەل تاريحىندا الەمنىڭ ەكى دۇركىن چەمپيونى اتاندى.

سونداي-اق ق ر سپورت جانە دەنە شىنىقتىرۋ ىستەرى اگەنتتىگى ابىلايحان جۇسىپوۆكە «حالىقارالىق دارەجەدەگى سپورت شەبەرى» اتاعىن بەردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى