پرەزيدەنت كۋبوگىندا جەرلەستەرىمىز جەڭىلىپ قالدى

استاناداعى «قازاقستان» سپورت سارايىندا وتكەن ماتچ 5:3 (0:0, 3:1, 2:2) ەسەبىمەن اياقتالدى.

قوس كوماندا ويىنداعى ەسەپتى تەك ەكىنشى تايمدا اشا الدى، 24- مينۋتتا العاشقى گولدى ەۆگەني رىماريەۆتىڭ ارقاسىندا «بارىس» سالدى. دەگەنمەن قوناقتار ەكىنشى تايمنىڭ سوڭىنا دەيىن ەسەپتى تەڭەستىرىپ قانا قويماي، العا شىعىپ ۇلگەردى.

الدىمەن كيريلل سەمەنوۆ (29- مينۋت) كوزگە تۇسسە، كەيىن توم ۆاندەلل (37- مينۋت) ءوز كومانداسىن العا جەتەلەدى. ال تايمنىڭ سوڭعى سەكۋندتارىندا ۆلاديمير پەرۆۋشين استانالىقتارعا ءۇشىنشى شايبانى توعىتىپ كەتتى.

سوڭعى تايمدا «بارىس» قاقپاشىسى يان لاتسو تاعى بىر شايبا وتكىزىپ الدى. ويىننىڭ 42- مينۋتىندا تىركەلگەن گولدىڭ اۆتورى - دەنيس پارشين. 49- مينۋتتا كيەۆين داللمەن «بارىس» ساپىنا ورالعاننان كەيىنگى العاشقى گولىن سالۋعا مۇمكىندىك الدى. ءبىراق كوپ ۇزاماي الەكساندر پوپوۆ «اۆانگارد» ەنشىسىنە بەسىنشى گولدى قوستى.

«بارىستىڭ» شابۋىلشىسى داستين بويد كەزدەسۋدىڭ 57- مينۋتىندا ەسەپتى 5:3 كە جەتكىزدى. وسىلايشا، «اۆانگارد» ق ر پرەزيدەنتى كۋبوگىنىڭ جەڭىمپازى اتاندى.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى