الماتى وبلىسىندا اسكەري قىزمەتشىلەر ۇزدىك سەرجانت اتانۋ ءۇشىن باق سىناسۋدا - فوتو

«ءىس-شاراعا اسكەري بولىمدەردە ون نوميناتسيا بويىنشا وتكىزىلگەن ەڭ ۇزدىك راديوتەلەفونشى، جۇرگىزۋشى، مەرگەن (اتقىش)، بولىمشە كومانديرى، روتا (توپ) سەرجانتى، باتالون سەرجانتى، بريگادا سەرجانتى اتانعان سايىستىڭ ءبىرىنشى كەزەڭىنىڭ جەڭىمپازدارى قاتىسۋدا. 67 اسكەري قىزمەتشى اسكەري-كاسىپتىك، اسكەري-سپورتتىق جانە كوركەم ادەبي سايىستاردا ءوز مۇمكىندىكتەرىن ورتاعا سالادى» دەلىنگەن حابارلامادا.

«قايسار» ەستافەتاسى توزىمدىلىك پەن دەنە دايارلىعى سىنعا تۇسەتىن ەڭ كۇردەلى ەمتيحان. ەستافەتاعا 25 مەترلىك ينجەنەرلىك كەدەرگىلەر ۋچاسكەسىنەن ءوتۋ، جالپى اسكەري قورعانىس كەشەنىمەن جانە گازتۇمشامەن ءجۇز مەتردى جۇگىرىپ ءوتۋ، راديوستانسانىڭ جۇمىسىن جانە بايلانىسقا شىعۋىن دايارلاۋ، دوڭگەلەكتەر ۇيىندىسىنەن ءوتۋ سىندى كۇردەلى تالاپتار قويىلعان.

سونىمەن قاتار سايىس باعدارلاماسى بويىنشا تانكىلەر مەن جاۋىنگەرلىك ماشينالاردى كۇردەلى جەرلەردە جۇرگىزۋ، ەلدى مەكەندەردى باعدارلاۋ، اسكەري پاندەر بويىنشا تەستىلەر تاپسىرۋ، ءتۇرلى قاشىقتىقتاردى باعىندىرۋ، بەلتەمىرگە تارتىلۋ، ا ك-74 اۆتوماتى مەن پ م-9 ماكاروۆ تاپانشاسىنان اتۋ كوزدەلگەن.

- تامىزدا اياقتالاتىن سايىس قورىتىندىسىنىڭ جەڭىمپازدارى ق ر قارۋلى كۇشتەرىنىڭ ۇزدىك سەرجانتى اتاعى ءۇشىن وتەتىن بۇكىل ارميالىق سايىسقا جىبەرىلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى