اسكەري اۋە كۇشتەرىنىڭ باس قولباسشىسى سەمەي جانە اياگوز گارنيزوندارىندا تەكسەرۋ جۇرگىزدى
ا ق ك باس قولباسشىسى سەمەي، اياگوز جانە سەرەبريانسك، كۇرشىم، توعىل جانە بوران ەلدى مەكەندەرىندە ورنالاسقان اۆياتسيا بازاسى مەن كومەنداتۋراسىن، ءا ش ق ق بريگادالارى مەن جەكە راديولوكاتسيا روتالارىنا باردى.
«تەكسەرۋ بارىسىندا جاۋىنگەرلىك دايارلىق، جاۋىنگەرلىك كەزەكشىلىك، اسكەرلەر قىزمەتىنىڭ قىزمەتىن ۇيىمداستىرۋ دەڭگەيىنە، قارۋ-جاراق پەن اسكەري تەحنيكانىڭ، تىلداعى جانە قورداعى ماتەريالدىق قۇرالداردىڭ جاي-كۇيىنە ەرەكشە نازار اۋدارىلدى. سونداي-اق تاربيە جانە يدەولوگيالىق جۇمىستاردى ۇيىمداستىرۋ، جەكە قۇرامنىڭ مورالدىق- پسيحولوگيالىق جاي- كۇيى جونىندەگى ماسەلەلەرى كوتەرىلدى. ەڭ باستى كريتەري جەكە قۇرامنىڭ وقۋ-جاتتىعۋ-جاۋىنگەرلىك تاپسىرمالاردى ورىنداۋداعى ۇيلەسىمدىلىگىنە قويىلدى»، دەلىنگەن حابارلامادا.
ا ق ك باس قولباسشىسى اسكەري قىزمەتشىلەرگە جوندەۋ جۇمىستارى جۇرگىزىلگەن ەكى قاباتتى ءۇي پاتەرلەرىنىڭ كىلتىن تاپسىرۋ سالتاناتتى شاراسىنا قاتىستى. ونى پايدالانۋعا بەرۋ اسكەري ۆەدومستۆونىڭ اسكەري قىزمەتشىلەر مەن ولاردىڭ وتباسى مۇشەلەرىنىڭ تۇرعىن ءۇي ماسەلەسىن شەشۋدەگى كەزەكتى شاراسى بولىپ تابىلادى.
