كۋرچاتوۆ «عىلىمي قالاشىق» مارتەبەسىن الماق

ەل ۇدەرە كوشىپ، يەسىز قالعان عيماراتتار قالا ىشىندە ايتارلىقتاي كوپ. وتاندىق ينۆەستورلار وسىنداي بىرنەشە نىساننىڭ ءوڭىن كەلتىرىپ ۇلگەردى.

نۇرلان قازيەۆ، قۇرىلىس كومپانياسىنىڭ وكىلى:

- ەسكى ءۇيدىڭ رەمونتىن جاساعانشا جاڭا ءۇيدى سالۋ الدەقايدا وڭاي. سول سەبەپتەن، ءبىز قيراپ جاتقان ۇيلەردى سالۋ كەزىندە بىلىكتى مامانداردى تارتامىز. جۇمىس ويداعىداي ءجۇرىپ جاتىر.

جاڭارىپ شىعا كەلگەن پاتەرلەر قولجەتىمدى. ماسەلەن، ەكى بولمەلى ءۇيدى بار- جوعى 2 ميلليون تەڭگەگە ءبولىپ تولەۋ ارقىلى الۋعا بولادى.

رىمبەك قابيدەن، ءتىلشى:

- كۋرچاتوۆ قالاسىنداعى قاڭقاسى عانا قالعان ءتورت قاباتتى ۇيلەردىڭ التاۋى قايتا قالپىنا كەلتىرىلىپ، پاتەرلەردىڭ ءىشى جانعا تولۋدا. مىنا جوندەلىپ جاتقان جەتىنشى ءۇيدىڭ بولاشاق يەلەرى دە بەلگىلى. اكىمدىكتەگىلەر جاڭا باسپانالارعا مەملەكەتتىك قىزمەتكەرلەر مەن كوپبالالى وتباسىلاردى ورنالاستىرماق نيەتتە.

تۇرعىندارىنىڭ باسىم بولىگىن ۇلتتىق يادرولىق ورتالىق قىزمەتكەرلەرى مەن اسكەريلەر قۇرايتىن قالانى ۇلكەن وزگەرىستەر كۇتىپ تۇر. ەگەر كۋرچاتوۆ «عىلىمي قالاشىق» مارتەبەسىن يەلەنسە، كەلۋشىلەردىڭ قاتارى كوبەيمەك. قازىردىڭ وزىندە دەموگرافيالىق احۋال جاقسارۋدا. ايتسە دە، شاعىن جانە ورتا بيزنەستى ورگە وزدىراتىن كاسىپكەرلەر جەتىسپەيدى. قارا جۇمىستىڭ ەبىن بىلەتىندەر دە قاجەت.

ديميتريي گاريكوۆ، كۋرچاتوۆ قالاسىنىڭ اكىمى:

- تەمىر پىسىرۋشىلەر، ۇستالار قاجەت. سونداي- اق، ارحيتەكتورلار مەن قۇرىلىسشىلار كوبىرەك تارتىلسا.. . ءتىپتى، قاراپايىم تىگىن سەحتارى، تەحنيكا جوندەۋ ستانتسيالارى مەن شاشتارازدار دا وتە از.

قازىر جەرگىلىكتى بيلىك قىزمەت كورسەتۋ جۇمىستارىنا ءمان بەرۋدە. مامانداردى وزدەرى دايىنداماق. جاقىندا تۇساۋى كەسىلەتىن كوللەدجدىڭ العاشقى شاكىرتتەرى دە قۇجاتتارىن تاپسىرىپ قويعان.

«حابار» ارناسى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى