قازاقپارات جۋرناليستيكانىڭ ۇزدىك داستۇرلەرى مەن جاڭا تەحنولوگيالار نەگىزىندە قارقىندى دامۋدا - ي ت ا ر- ت ا س س
قۇرمەتتى داۋرەن كەڭەس ۇلى!
رەسەي اقپاراتتىق تەلەگراف اگەنتتىگى (ي ت ا ر- ت ا س س) ۇجىمىنان «قازاقپارات» حالىقارالىق اقپارات اگەنتتىگىنىڭ قۇرىلعانىنا 94 جىل تولۋىنا بايلانىستى شىنايى قۇتتىقتاۋىمىزدى قابىل الىڭىزدار.
ارىپتەستىك قارىم- قاتىناسىمىز ورتاق تاريحىمىزبەن قاتار مەملەكەتتەرىمىزدىڭ جاڭا تاريحى بارىسىندا دامىپ كەلە جاتقان دوستىعىمىزدىڭ نەگىزىندە دە قالانعان.
جەدەل ءارى شىنايى اقپارات تاراتاتىن «قازاقپارات» جۋرناليستەرىنىڭ شىعارماشىلىق ەڭبەگى مەن تەحنيكالىق ماماندارىنىڭ كاسىبي شەبەرلىگى قازاقستاندىق بۇقارالىق اقپارات قۇرالدارىنداعى جانە شەتەلدەگى ارىپتەستەرىڭىزدىڭ قۇرمەتىنە بولەنۋدە. «قازاقپارات» مارتەبەلى زاماناۋي اقپارات اگەنتتىگى رەتىندە جۋرناليستيكانىڭ ۇزدىك داستۇرلەرى مەن جاڭا تەحنولوگيالار نەگىزىندە قارقىندى دامىپ كەلەدى.
وسىنداي ايتۋلى كۇنى سىزگە جانە «قازاقپارات» ح ا ءا بارلىق قىزمەتكەرلەرىنە ساتتىلىك، جاڭا شىعارماشىلىق تابىس، مىقتى دەنساۋلىق جانە باقىت تىلەيمىن!
يتار- تاسس باس ديرەكتورى س. ميحايلوۆ.
***
АРМЕНПРЕСС مەملەكەتتىك اقپاراتتىق اگەنتتىگىنىڭ باسشىلىعى «قازاقپارات» ح ا ءا - نى 94 جىلدىعىمەن قۇتتىقتادى. قۇتتىقتاۋ اگەنتتىكتىڭ باس ديرەكتورى دياروۆ داۋرەن كەڭەس ۇلىنىڭ اتىنا كەلىپ ءتۇستى.
قىمباتتى داۋرەن كەڭەس ۇلى!
ارمەن پ ر ە س س مەملەكەتتىك اقپاراتتىق اگەنتتىگىنىڭ جانە ءوز اتىمنان ءسىزدى جانە قازاقپارات ۇجىمىن اگەنتتىكتىڭ 94 جاسقا تولۋىمەن قۇتتىقتايمىن.
قازاقپارات - زاماناۋي، تەز دامىپ كەلە جاتقان اگەنتتىك. جاسىنا قاراماستان ول جاڭادان قۇرىلعان اگەنتتىك سياقتى زامان تالابىنا ساي جۇمىس ىستەيدى. ول ت م د ەلدەرىنىڭ ىشىندە عانا ەمەس، سونىمەن بىرگە ازيا ايماقتارىنداعى جەتەكشى اگەنتتىكتەردىڭ ءبىرى.
قازاقپارات سەنىمدى اقپارات كوزى رەتىندە قازاقستان ءومىرى جايلى جان- جاقتى جازىپ، الەمدىك اقپارات الاڭدارىندا ەلدىڭ مۇددەسىن بىلدىرەدى.
اگەنتتىكتىڭ دامۋى مەن ونىڭ ماڭىزىن ارتتىرۋدا قوسقان ءسىزدىڭ جەكە ۇلەسىڭىزدى دە اتاپ وتكىم كەلەدى.
اگەنتتىكتەرىمىزدىڭ جەمىستى ىنتىماقتاسىپ كەلە جاتقانىنا ءبىراز بولدى. ارمەن پ ر ە س س ءۇشىن قازاقپارات ۋاقىت سىنىنان وتكەن جاقسى ارىپتەس.
سىزدەرگە شىن جۇرەكتەن وركەندەۋ، جاڭا بەلەستەردى باعىندىرىپ، كاسىبي جەتىستىكتەرىڭىزدى ورىستەتۋلەرىڭىزگە تىلەكتەسپىن.
قۇرمەتپەن، ارام ليەۆونوۆيچ انانيان، ارمەن پرەسس ديرەكتورى (ارمەنيا)
اۆتور: قانات مامەتقازى ۇلى
