شاحماتشى قىزدارىمىز بۇكىل الەمدىك وليمپيادادا يران قۇراماسىن جەڭدى

ايتا كەتەيىك، بۇكىل الەمدىك شاحمات وليمپياداسى تامىز ايىنىڭ باسىندا نورۆەگيادا باستالعان ەدى.

قازاقستاندىق شاحماتشىلار - جانسايا ابدىمالىك، دينارا ءسادۋاقاسوۆا، ءمادينا داۋلەتوۆا جانە گۇلميرا داۋلەتوۆا قارسىلاستارىن جالپى ەسەپتە 2,5:1,5 ەسەبىمەن جەڭدى. بۇل وليمپيادا بارىسىندا توعىز كەزدەسۋ وتكىزگەن قازاقستان ايەلدەر قۇراماسىنىڭ التىنشى جەڭىسى. قالعان ءۇش كەزدەسۋدىڭ ەكەۋىندە شاحماتشىلارىمىز جەڭىلىپ قالسا، بىرەۋىندە تەڭ ناتيجەگە قول جەتكىزدى.

پورتالدىڭ حابارلاۋىنشا، بۇكىل الەمدىك شاحمات وليمپياداسىندا قازاقستان ايەلدەر قۇراماسى 14- ورىنعا جايعاسىپتى. ءبىرىنشى ورىندا بارلىق كەزدەسۋلەرىندە جەڭىسكە جەتكەن رەسەي قۇراماسى تۇر. ەندى كەلەسى كەزەڭدە قازاقستاندىق شاحماتشىلار فرانسيا قۇراماسىنا قارسى وينايدى.

ال بۇكىل الەمدىك شاحمات وليمپياداسىندا ەل نامىسىن قورعاپ جاتقان قازاقستاننىڭ ەرلەر قۇراماسى ەنشىسىندە بەس جەڭىس بار. ءانۋار ەسماعانبەتوۆ، پاۆەل كوتسۋر، رۋستام حۋسنيتدينوۆ، پەتر كوستەنكو جانە حالىقارالىق دەڭگەيدەگى گروسسمەيستەر اسلان ايتبايەۆ سىندى شاحماتشىلاردان قۇرالعان قازاقستان توعىزىنشى تۋردا سلوۆەنيا قۇراماسىن 3:1 ەسەبىمەن جەڭىپ، 32- ورىنعا كوتەرىلدى. ايتا كەتەيىك، ءبىزدىڭ قۇرامامىز وليمپيادا بارىسىندا ەكى رەت جەڭىلىپ، ەكى رەت قارسىلاستارىمەن تەڭ وينادى. ازىرشە ەرلەر اراسىندا ءبىرىنشى ورىندا قىتاي قۇراماسى كەلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى