حالىق سانى ازايىپ بارادى

ستاتيستيكا ماماندارىنىڭ مالىمەتىنشە، تەرىسكەي دەموگرافياسى كەرى كەتۋ ۇردىسىنە تاپ بولدى. حالىق سانى 2008 - جىلدان بەرى ازايا تۇسكەن. قۇزىرلى ورگان وكىلدەرى مۇنى ىشكى ميگراتسيانىڭ بەلەڭ الۋىمەن ءتۇسىندىرىپ وتىر.

وتكەن 6- ايدا وبلىسقا قونىس اۋدارعاندار سانى 5075. ولاردىڭ باسىم بولىگى موڭعوليادان كەلگەن ورالماندار. ال كوشىپ كەتكەندەر 6 مىڭ 996 ادام. ولاردىڭ باسىم بولىگى ەلدىڭ ورتالىق ايماقتارىنا قونىس اۋدارىپتى.

ستاتيستيكا دەپارتامەنتى باسشىلىعىنىڭ پىكىرىنشە، جاستاردىڭ جاعدايىن دۇرىستاۋ كەرەك. سول كەزدە تۇرعىلىقتى حالىق سانى ارتادى. سونداي-اق، ورالمانداردىڭ باسىم بولىگىن ەلدىڭ سولتۇستىك ايماقتارىندا قونىستاندىرعان ابزال.

«ۇستىمىزدەگى جىلدىڭ قاڭتار-ماۋسىم ايلارى بويىنشا ءوڭىردىڭ ميگراتسيالىق سالدوسى تەرىس كورسەتكىشكە يە. كوشىپ كەتكەندەردىڭ سانى كەلگەندەردەن گورى 1921 ادامعا كوپ. باسقا جاققا قونىس اۋدارعانداردىڭ 82 پايىزى ىشكى ميگراتسياعا جاتادى. ال وزگە ەلدەرگە 1193 ادام كوشىپ كەتكەن. جالپى، وبلىستاعى تۋۋ كورسەتكىشى جامان ەمەس.

 بيىلعى نارەستەلەر سانى، دۇنيە سالعاندارمەن سالىستىرعاندا، كوپ. دەمەك، وبلىسىمىزداعى حالىق سانىنىڭ ازايۋىنا نەگىزىندە ميگراتسيا سەبەپ»، - دەدى سولتۇستىك قازاقستان وبلىسى ستاتيستيكا دەپارتامەنتى جەتەكشىسىنىڭ ورىنباسارى گۇلزيان ءىزباسوۆا.
nur.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى