الماتى قازىرگى زامان ونەرىنىڭ ورتالىعىنا اينالماق

«باسىندا فەستيۆال ارباتتاعى جاياۋ جۇرگىنشىلەر جولىنىڭ دامۋ جوباسى رەتىندە قاراستىرىلعان. سوڭىنان بۇل شارانىڭ دەڭگەيى ءوسىپ، حالىقارالىق دارەجەگە جەتۋى قاجەت دەگەن پىكىر تۋدى. قازاقستانداعى، ورتالىق ازياداعى بىردەن-ءبىر ايتۋلى شارا بولۋعا لايىق ەكەنى بەلگىلى بولدى. ءبىز ا ق ش، ەۋروپا، ازيادان سۋرەتشىلەردى شاقىرا باستادىق»، - دەدى «ەۋرازيا مادەني اليانسى» قوعامدىق بىرلەستىگىنىڭ جەتەكشىسى يگور سلۋدسكي.

ونىڭ ايتۋىنشا، ARTBAT FEST-2014 قازاقستاندىق جانە حالىقارالىق شىعارماشىلىق قاۋىمداستىقتار اراسىنداعى مادەني بايلانىس الاڭىنا اينالماق.

فەستيۆال بەسىنشى رەت قازاقستاندىق جانە حالىقارالىق قىلقالام شەبەرلەرىنىڭ تۋىندىلارىن پاش ەتپەك. جىبەك جولى مەن رەسپۋبليكا الاڭىنا دەيىنگى ايماقتا بەينەلەۋ ونەرىنەن سانسىز ينستاللياتسيالار ورنالاستىرىلادى.

ARTBAT FEST-2014 اياسىندا اعىلشىننىڭ اتاقتى سۋرەتشىسى Sickboy «سامال» شاعىن اۋدانىنداعى ۇيلەردىڭ بىرىنە سۋرەت سالادى.

سونداي-اق تامىزدىڭ 29 ىندا الماتىلىقتار يتالياندىق ROD تەاترىنىڭ بي قويىلىمىن، يتالياندىق ونەرپاز سالۆاتورە ۆيۆيانونىڭ مۋزىكالىق-حورەوگرافيالىق پەرفورمانسىن تاماشالاي الادى.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى