استانادا قازاقستاندىق ستۋدەنتتەردىڭ حالىقارالىق پورتالىنىڭ تۇساۋى كەسىلدى

 شارا 14-15 - تامىز ارالىعىندا ءوتىپ جاتقان قازاقستاننىڭ شەتەلدىك ستۋدەنتتەر ۇيىمدارىنىڭ 3 - سلەتىنە ورايلاستىرىلدى. پورتالدى جاساۋشىلاردىڭ ايتۋىنشا، پلاتفورما ساراپشىلىق الاڭقايلار، جاڭالىقتار لەنتاسى، قازاقستاننىڭ شەتەلدىك ستۋدەنتتەر ۇيىمدارى شارالارىنىڭ انونستارى، وزىق جوبالاردىڭ مىسالدارىنان تۇرادى.

«ىنتىماقتاستىقتىڭ جەلىلىك فورماتى شەتەلدەگى ءاربىر ىزدەنۋشىگە ستۋدەنتتىك ۇجىمدار جوبالارىنان حاباردار بولىپ وتىرۋعا مۇمكىندىك بەرىپ، ولاردىڭ ىسكە اسىرىلۋىنا قاتىسۋى مەن ءوز جوباسىنا باستاماشىلىق ەتۋىنە جول اشادى» ، - دەپ اتاپ ءوتتى جوبانى تانىستىرعان «بولاشاق» باعدارلاماسىنىڭ ستيپەندياتى ارمان بارمەنبايەۆ.

بۇدان بولەك، قاتىسۋشىلار وزىندىك جەلىلىك جوبالارىن دامىتۋعا قاتىستى كوزقاراستارىمەن پورتال ارقىلى باسقا ەلدەردەگى ستۋدەنتتەرمەن بولىسە الادى. ايتا كەتەيىك، كانادا، رەسەي جانە قىتايدا وقىپ جاتقان ستۋدەنتتەر «ءبىلىم كوپىرى» ، «Like#Kazakhstan» جانە «جايدارمان» جوبالارىمەن تانىستىردى.

 اۆتور:  ءابۋ- اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى