يمامداردىڭ بىلىكتىلىگىن كوتەرۋ ترەنينگى ۇيىمداستىرىلدى
بۇل تۋرالى قازاقستان مۇسىلماندار ءدىني باسقارماسىنىڭ باسپا ءسوز قىزمەتىنەن حابارلادى.
باسقوسۋدا ءداستۇرلى دىنىمىزگە جات اعىم وكىلدەرىنە قاتىستى ءۇش باعىت بويىنشا جۇمىستارعا باسىمدىق بەرۋ قاجەتتىگى ايتىلدى. اتاپ ايتقاندا، مەشىتكە كەلگەن جاماعاتپەن جەكە جۇمىس جاساۋ، ولاردىڭ تۇرمىس جاعدايىنا، وتباسىنا كوڭىل ءبولۋ، مۇمكىندىگىنشە كومەك كورسەتۋ. جاماعاتتىڭ باسىن بىرىكتىرەتىن ءىس-شارالار، سپورتتىق ويىندار ۇيىمداستىرۋ ماسەلەسى دە تالقىلاندى.
سەرىكباي قاجى ساتىبالدى ۇلى جاستارىمىزدىڭ وزگە ءدىني اعىمداردىڭ جەتەگىندە كەتۋىنىڭ الدىن الۋ ءۇشىن جاس بۋىن وكىلدەرمەن بايلانىستى كۇشەيتۋ، شاكىرت تاربيەلەۋ ماسەلەسىنە نازار اۋدارۋ قاجەتتىگىن جەتكىزدى. نايب ءمۇفتي ءدىن قىزمەتكەرلەرىنە فيھق، اقيدا پاندەرىنەن تەرەڭدەتىلگەن جۇيەلى ءدارىس جۇرگىزۋدى، يمامدار اراسىندا تاجىريبە الماسۋ جۇمىستارىن ۇيىمداستىرۋدىڭ ماڭىزدى ەكەنىن ءسوز ەتتى.
«ХХІ عاسىر - ءبىلىم عاسىرىندا يمامداردىڭ ءدىني ساۋاتىن كوتەرۋ وتە وزەكتى بولىپ وتىر. مەشىتتى اركىم ءوز ءۇيى رەتىندە سەزىنۋى ءتيىس. ءدىني قىزمەت - ۇلكەن امانات، ساۋاپتى دا جاۋاپتى جۇمىس. سوندىقتان يسلامدى يمامعا قاراپ تۇسىنەتىندەي دارەجەگە جەتۋىمىز كەرەك. ءدىني سالادا استە بوساڭسۋعا بولمايدى»، - دەدى سەرىكباي قاجى وراز.
اۆتور: گۇلميرا عوسمانالي
