قانداستار انا ءتىلىن ۇيرەنۋ ءۇشىن قوستانايعا كەلدى
2009 - جىلدان بەرى وبلىستىق تىلدەردى دامىتۋ باسقارماسى مەن چەليابىدەگى قازاقتاردىڭ «ازامات» ۇلتتىق-مادەني قوعامدىق بىرلەستىگى بىرلەسىپ، سونداعى اعايىندارعا قازاق ءتىلىن ۇيرەتۋ جوباسىن جۇزەگە اسىرىپ كەلەدى. قوستاناي وبلىستىق تىلدەردەردى دامىتۋ باسقارماسى تىلدەردى وقىتۋ ورتالىعىنىڭ ماماندارى ۇيىمداستىرعان بيىلعى سەمينارعا چەليابى وبلىسىنىڭ جەتى اۋدانىنان قازاق ءتىلىن ۇيرەتەتىن 18 ءمۇعالىم كەلىپ قاتىسۋدا. ورتالىق ماماندارى شەتەلدەگى قازاقتارعا ارنالعان جەڭىلدەتىلگەن، تيىمدىلىگى ۇتقىر باعدارلامالار جاسادى.
چەليابى وبلىسىنداعى قازاقتاردىڭ «ازامات» قوعامدىق بىرلەستىگىنىڭ جەتەكشىسى قانات سەيتىكوۆ: «كەلگەن مۇعالىمدەردىڭ بارلىعى ءتۇرلى ماماندىق يەلەرى. ولار قازاق ءتىلىنىڭ قوستانايلىق ماماندار ۇسىنعان وزىق ادىستەمەلەرىن مەڭگەرىپ، وزدەرىنىڭ تۇرعىلىقتى جەرلەرىندە قازاق ءتىلىنىڭ ۇيىرمەلەرىن ۇيىمداستىرادى. چەليابىدە قازاق ءتىلىن ۇيرەنۋگە نيەت بىلدىرۋشىلەر قاتارى كوبەيىپ كەلەدى. بيىل سەمينارعا كەلگەن قازاق ءتىلى مۇعالىمدەرىنىڭ سانى بۇرىنعىدان دا ارتىپ وتىر»، - دەدى.
چەليابىدەن كەلگەن قوناقتار ءۇشىن دۇنيەجۇزى قازاقتارى قاۋىمداستىعى قوستاناي وبلىستىق فيليالىندا «دوڭگەلەك ۇستەل» وتىرىسى بولادى. وندا شەتتەگى قازاقتاردىڭ ۇسىنىس-تىلەكتەرى تىڭدالادى.
ءنازيرا جارىمبەتوۆا.
egemen.kz
