پوليتسەيلەر اداسىپ كەتكەن اجەنى تاپتى
ءى ءى د باسپا ءسوز قىزمەتكەرى ادىلبەك ءنۇرماحيننىڭ حابارلاۋىنشا، ىزدەۋ شارالارى ءبىر جارىم تاۋلىككە سوزىلعان. وعان ۇزىنكول ا ءى ءى ب جەكە قۇرامى مەن جەرگىلىكتى تۇرعىندار قاتىستى.
زەينەتكەردىڭ ورمانعا جيدەك تەرۋگە كەتىپ، كەلمەگەنىن پوليتسياعا ونىڭ 56 جاستاعى قىزى حابارلاعان. قىزىنىڭ ايتۋىنشا، اناسى الەكساندرا نيەۆەروۆا ءۇي شارۋاسىمەن ءوزى اينالىسقاندى ۇناتاتىن، ومىردە بەلسەندى جان ەكەن.
قۇقىق قورعاۋشىلار ونى اۋىلىنان ءۇش شاقىرىم جەردەگى ورماننان تاپقان. زەينەتكەر اقىل ەسىن جوعالتپاعان. پوليتسەيلەر تاپقاندا ول اعاش تۇبىندە بۇلدىرگەن جەپ وتىرعان.
«ول بىزدەرگە دەنساۋلىعى مەن جاسىنا قاراماستان، ورماننان شىعاتىن جولدى ءوزى تاباتىنىنا سەنىمدى ەكەنىن ايتتى»، - دەيدى ءا. نۇرماحين.
