پرەمەر-ءمينيستردىڭ اعىلشىن تىلىنەن باس تارتۋى ساياسي ورتادا ۇلكەن دۇربەلەڭ تۋعىزدى
پرەمەر مەملەكەتتىك قىزمەتكەرلەر مەن بارلىق مينيسترلىكتەردىڭ جانە ۆەدومستۆولاردىڭ شەنەۋنىكتەرى، كورپوراتسيالار مەن بانكتەر Twitter، Facebook, Google, YouTube سياقتى الەۋمەتتىك جەلىلەر مەن بلوگتاردى پايدالانۋدا اتا-بابا تىلىنە باسىمدىق بەرۋى ءتيىس ەكەندىگى تۋرالى وكىم شىعاردى.
وسى جارلىقتان كەيىن مينيسترلىك باسشىسى جاڭا جوباسىن جاريالادى. وندا حيندي تىلىندە سويلەسەتىن مەملەكەتتىك قىزمەتكەرلەرگە قوسىمشا 2000 رۋپي مولشەرىندە (بۇل كۇنىنە 33 دوللارعا جۋىق) سىياقى بەرۋ كوزدەلگەن.
مۇنداي قادام ءۇندىستاننىڭ ساياسي ورتاسىندا ۇلكەن دۇربەلەڭ تۋعىزدى.
ويتكەنى، ەل ازاماتتارى 100 دەن استام تىلدە سويلەيدى. ال حيندي تىلىندە حالىقتىڭ 40 پايىزعا جۋىعى عانا سويلەسەدى. اسىرەسە بۇل تىلدە ءۇندىستان حالىقتىق پارتياسىنىڭ وكىلدەرى بەلسەندى سويلەسەدى، بۇل پارتيا وسى جىلعى مامىر ايىندا ءۇندىستان پارلامەنتىندەگى كوپشىلىك ورىنعا يە بولدى.
ءۇندىستان ۇكىمەتى كەيىنىرەك بۇل زاڭ حيندي ءتىلى كەڭ تارالعان ءۇندىستاننىڭ سولتۇستىك ايماقتارىنا قاتىستى ەكەنىن ءتۇسىندىردى. دەگەنمەن پرەمەردىڭ ساياسي وپپونەنتتەرى وعان قارسىلىق بىلدىرۋدە.
مودي شەتەلدىك باسشىلارمەن كەزدەسۋدە حيندي تىلىندە سويلەپ، اۋدارماشىنى پايدالانعانىمەن ءۇندىستان ەليتاسىنىڭ باسىم بولىگى سياقتى ول دا اعىلشىن تىلىندە ءوزىنىڭ ويىن جەتكىزە الادى. دەيتۇرعانمەن كوپشىلىك حيندي ءتىلىنىڭ حالىقارالىق ءتىلدى ىعىستىرا الاتىنىنا كۇمان كەلتىرەدى.
