قوستانايلىق زەينەتكەر مىسىق ولتىرگەنى ءۇشىن سوتتالۋى مۇمكىن

ەندى جانۋاردى جابىرلەگەن زەينەتكەر 360 مىڭ تەڭگە ايىپپۇل تولەۋى مۇمكىن.

ءبىراق سوتقا شاعىمدانعان مىسىقتىڭ يەسى كۇدىكتىنى جارتى جىلعا دەيىن تۇرمەگە قاماپ، قاتاڭ جازا قولدانۋدى تالاپ ەتتى.

بۇعان كورشىلەردىڭ اراسىنداعى كۇندەستىك سەبەپ بولعان. ارىز بەرۋشىنىڭ ايتۋىنشا، كەك العىسى كەلگەن زەينەتكەر ونىڭ مىسىعىن بۋىندىرىپ، كەيىن باسپالداقتان تومەن قاراي لاقتىرىپ جىبەرىپتى.

بيىكتەن وڭباي قۇلاعان ءۇي جانۋارى اۋرۋحاناعا اپارا جاتقاندا ءولىپ كەتكەن، دەپ جازادى muslim.kz.

قازىر زەينەتكەرگە قاتىستى قىلمىستىق ءىس جۇرگىزىلۋدە. ءبىراق مىسىقتىڭ يەسى ونى «بىرەۋدىڭ جەكە مۇلكىن بۇلدىرگەن» دەگەن باپ بويىنشا تەرگەۋدى تالاپ ەتىپ وتىر.

مىسىقتىڭ ءتولقۇجاتى بولعان. ونىڭ ولگەنىن ەستىگەندە يەسى قاتتى قايعىرعان كورىنەدى. «جۇگىرىپ كەلىپ ەسىكتى اشسام، مىسىعىم جوق. تومەن ءتۇسىپ قاراسام، جولدىڭ جيەگىندە قانسىراپ جاتىر. جانۇشىرىپ قولىمنان كەلگەندى ىستەدىم. ءبىراق بايقۇستى قۇتقارىپ قالا المادىم»، - دەيدى مىسىقتىڭ يەسى ەلەنا باشلاي.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى