جۇمىسىنا سالعىرت قاراعان الماتىلىق پوليتسەيلەر سوگىس الدى

بورىشكەرگە ىزدەۋ جاريالاۋ تۋرالى سوتتىڭ ۇيعارىمى ىشكى ىستەر باسقارماسىنا 2013 - جىلدىڭ 11 - شىلدەدە تۇسكەنىنە قاراماستان، ىزدەستىرۋ ءىسى قوزعالماعان، وعان قوسا، سوت شەشىمى بويىنشا تالاپكەردىڭ وسى ماسەلە بويىنشا ارىزى جاۋاپسىز قالعان.

بۇل تۋرالى قالالىق پروكۋراتۋرانىڭ باسپا ءسوز قىزمەتىنەن حابارلاندى.

وسىدان كەيىن، اۋداندىق پروكۋراتۋرا ىشكى ىستەر باسقارماسىنا تالاپ جولداپ، سول بويىنشا عانا ىزدەستىرۋ ءىس شارالارى 2014 - جىلدىڭ مامىر ايىنىڭ سوڭىنا تامان قوزعالعان. كەيىن، بورىشكەردىڭ تابىلۋى سەبەبىنەن ىزدەستىرۋ جۇمىستارى قىسقارتىلعان.

«اتالعان ولقىلىقتارعا وراي الماتى قالاسىنىڭ ىشكى ىستەر دەپارتامەنتىنە زاڭ بۇزۋشىلىقتى جويۋ تۋرالى ۇسىنىس ەنگىزىلدى. پروكۋرورلىق ىقپال ەتۋ اكتىسىن قاراۋدىڭ ناتيجەسىندە، مەدەۋ اۋداندىق ءى ءى ب-نىڭ كوشى-قون پوليتسياسى ءبولىمىنىڭ باستىعىنا جانە وسى ءبولىمنىڭ ەكى اعا ينسپەكتورىنا «سوگىس» تۇرىندە تارتىپتىك جازا تاعايىندالدى»، - دەلىنگەن باسپا ءسوز بايانىندا.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى