قاراعاندى وبلىسىندا جاپونيا ازاماتتارى قازا تاپقان جول- كولىك اپاتىنا سەبەپكەر بولعاندار سوتتالۋدا
«قىلمىستىق ءىس سوتتىڭ تالقىلاۋ ساتىسىندا. سوتتالۋشىلار - شەت اۋدانى اقوي اۋىلىنىڭ 30 جانە 33 جاستاعى ەكى تۇرعىنى ق ك 296- بابىنىڭ 3- بولىگى (ابايسىزدا ەكى نەمەسە ودان دا كوپ ادامنىڭ ولىمىنە اكەلىپ سوقتىرعان كولىك قۇرالدارىن جۇرگىزۋشى ادامداردىڭ جول قوزعالىسى جانە كولىك قۇرالدارىن پايدالانۋ ەرەجەلەرىن بۇزۋى) بويىنشا ايىپتالۋدا» ، - دەدى اۋداندىق سوت كەڭسەسىنەن.
ءىستى سۋديا ەرلان ۇشبايەۆ قاراۋدا. ايىپتالۋشىلار ءمادي يسين مەن رۇستەم سۇلەيمەنوۆ تۇتقىندالىپ، قاراعاندى قالاسىنىڭ ا ك-159/9 مەكەمەسىنە قاماۋعا الىندى. سوتتىڭ ءار وتىرىسىنا ولاردى وبلىس ورتالىعىنان شەت اۋداندىق سوتىنا اكەلەدى.
ايتا كەتەيىك، قايعىلى وقيعا 2013 - جىلعى 26 - قازاندا قاراعاندى- جەزقازعان تاس جولىندا اقوي اۋىلىنا جاقىن جەردە ورىن الدى. Toyota Hilux كولىگى ءشوپ اكەلە جاتقان تراكتور قورابىنا سوقتىعىسىپ قالادى. جول اپاتى سالدارىنان Toyota Hilux كولىگىنىڭ ءۇش جولاۋشىسى الىنعان جاراقاتتان قازا تاپتى، ولاردىڭ ەكەۋى - جاپونيا ازاماتتارى، بىرەۋى - الماتى وبلىسىنىڭ تۇرعىنى بولىپ شىقتى. بۇدان باسقا Toyota جۇرگىزۋشىسى قاراعاندى تۇرعىنى، تاعى ءبىر جاپونيا ازاماتى زارداپ شەكتى. شەتەلدىكتەر قازاقستاندا ىسكەرلىك ءىسساپاردا جۇرگەن.
ق ر ق ك سايكەس ايىپتالۋشىلار بەس جىلدان ون جىلعا دەيىن باس بوستاندىقتارىنان ايىرۋلارى مۇمكىن.
