حالىقارالىق «قازاقپارات» اگەنتتىگى مەن جوعارعى سوت ارىپتەستىك تۋرالى مەموراندۋمعا قول قويدى

كەلىسىمدى كومپانيانىڭ باس ديرەكتورى داۋرەن دياروۆ پەن ق ر  ج س اپپارات باسشىسى ءىلياس يسپانوۆ بەكىتتى.

«مەموراندۋمعا قول قويۋ ق ر سوت جۇيەسىنىڭ اشىقتىق باعىتىنا جاساعان ەرىكتى قادامى دەپ تۇسىنەمىز. سوت بيلىگى بارشا ازاماتتىق قوعامنىڭ زاڭدىلىعىن قامتاماسىز ەتەتىن بيلىكتىڭ ەڭ ماڭىزدى بولىگى. بۇگىن جوعارعى سوت تا، قالالىق جانە اۋداندىق سوتتار دا تىعىز قارىم- قاتىناس، ءوزارا اشىق بايلانىستاردى نىعايتۋعا ءمان بەرە باستاۋ - بۇگىنگى سوت جۇيەسىنىڭ جانە قوعامنىڭ قۇقىقتىق اياداعى دەڭگەيى جاڭا بەلەسكە كوتەرىلىپ كەلە جاتقاندىعىنىڭ ءبىر كورىنىسى دەۋگە بولادى» ، - دەپ اتاپ ءوتتى د. دياروۆ.

ونىڭ سوزىنە قاراعاندا، اتالمىش قۇجات ق ر جوعارعى سوتىنىڭ قازاقستاننىڭ قۇقىقتىق جانە اقپاراتتىق كەڭىستىگىندەگى قارىم- قاتىناستاردىڭ العاشقى قارلىعاشى بولىپ وتىر.
 

«مەنىڭ ويىمشا، بۇل ارىپتەستىك قۇقىقتىق قوعام قۇرۋعا باعىتتالعان ەڭ نەگىزگى ءارى العاشقى قادام بولماق» ، - دەپ اتاپ ءوتتى اگەنتتىك باسشىسى.
 

 «سوڭعى كەزدەرى ەلىمىزدىڭ سوت جۇيەسىندە وتە جاعىمدى وزگەرىستەر ورىن الۋدا. وسىعان وراي، سوت سالاسىنىڭ جاڭالىقتارىن ۇدايى جەتكىزىپ تۇرۋ قاجەتتىلىگى تۋىنداۋدا. مىنە، بۇگىن وسى ماقساتتا «قازاقپارات» اگەنتتىگىمەن مەموراندۋمعا قول قويدىق. بۇل كەلىسىم ءوزارا اقپاراتتىق الماسۋ باعىتىنداعى ەكىجاقتى ىنتىماقتاستىقتى ودان ءارى دامىتۋعا مۇمكىندىك بەرەدى. «قازاقپارات» - قازاقستانداعى حالىقارالىق مارتەبەگە يە، بەدەلدى ءارى جەتەكشى مەملەكەتتىك اقپاراتتىق اگەنتتىك. ول 90 جىلدان استام ۋاقىتتان بەرى ەلىمىز بەن الەمدەگى ەڭ ماڭىزدى اقپارات تۋرالى كۇن سايىن جەدەل تۇردە تاراتىپ كەلەدى» ، - دەدى ر. يسپانوۆ.

 اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى