قازاقتىڭ بەلگىلى جازۋشىسى قاليحان ىسقاق دۇنيەدەن ءوتتى

ءومىردى وزىنشە ورنەكتەي بىلگەن كوركەم ءسوز شەبەرىنەن ايىرىلۋ بارشا قازاق حالقىنا اۋىر قايعى، دەپ حابارلادى ادەبيەت پورتالى.

قاليحان ىسقاق - 1935 - جىلى 14 - ناۋرىزدا شىعىس قازاقستان وبلىسى، قاتونقاراعاي اۋدانىنىڭ توپقايىڭ اۋىلىندا دۇنيەگە كەلگەن. جازۋشى قاليحاننىڭ شىعارمالارىندا كوتەرگەن پروبلەمالار مەن قوعامدىق قوماقتى ماسەلەلەر ءبىر كۇندە، ءبىر جىلدا شەشىلە سالمايتىن، كەشەگى ارقىلى بۇگىنگى ۇرپاقتى ويلاندىرۋعا جەتەلەيتىن تەرەڭ فيلوسوفيالىق ويلارعا اپاراتىن تاعلىمدى تۋىندىلار.

بۇكىل وداقتىق ەكرانعا شىققان بىرنەشە تولىق مەتراجدى فيلمدەردىڭ («ۇشى-قيىرسىز جول»، «سارشاتامىز»، «وحران باستىعى»، «قاراشا قازدار قايتقاندا») سەناريىن جازعان.

شىعارمالارى وزبەك، قىرعىز، تاجىك، تاتار، باشقۇرت، شەشەن، ورىس، ۋكراين، سلوۆاك، بولگار تىلدەرىندە جارىق كورگەن. ەكى تومدىق تاڭدامالىلارى 1997 - جىلى وقىرمان قولىنا ءتيدى.

اۋدارما سالاسىندا ل. ن. تولستويدىڭ، ا. پ. چەحوۆتىڭ، ي. س. تۋرگەنيەۆتىڭ، ا. ي. كۋپريننىڭ، ي. ا. بۋنيننىڭ شىعارمالارىن قازاق تىلىنە ءتارجىمالادى. نوبەل سىيلىعىنىڭ لاۋرەاتتارى بولعان جەتى دراماتۋرگتىڭ پەسالارىن قازاقشالاعان.

1992 - جىلى «اقسۋ - جەر جانناتى» رومانى ءۇشىن جازۋشىعا قازاقستاننىڭ مەملەكەتتىك سىيلىعى بەرىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى