قىتايلىق ارتىستەر وسكەمەن تۇرعىندارىن قازاق تىلىندەگى اندەرمەن قۋانتتى - فوتو
كورەرمەندەر قىتايداعى تانىمال ورىنداۋشىلاردىڭ اندەرى مەن قىتايلاردىڭ ۇلتتىق اسپاپتارى: گاوحۋ، ليپا، گۋچجەننىڭ اۋەندەرىن تىڭدادى. بارىنەن دە ءبي توپتارىنىڭ جارقىراعان نومەرلەرى كوپتىڭ ەسىندە قالدى. قازاق اۋەندەرىن ورىنداۋشىعا كورەرمەندەر زور قوشەمەت كورسەتتى.
«ءبىزدىڭ جاساپ جاتقانىمىزدىڭ ءبارى مادەني جانە ەكونوميكالىق بايلانىستاردى نىعايتۋعا باعىتتالعان. ناۋرىزدا شىعىس قازاقستان دەلەگاتسياسى بىزدە بولدى، ءبىز ولارعا اۋىل شارۋاشىلىعى تەحنيكاسىن، حالىق تۇتىناتىن تاۋارلاردى تانىستىردىق. ەندى، مىنە، سىزدەرگە كەلدىك. ءبىزدىڭ ىنتىماقتاستىعىمىزدى نىعايتۋ كەرەك دەپ ويلايمىن» ، - دەدى شاۋەشەك قالاسى مەرىنىڭ ورىنباسارى شو حاي بين.
كونتسەرت الدىندا وسكەمەندىكتەر ءۇشىن شاۋەشەك شەبەرلەرىنىڭ كورمەسى ءوتتى. وندا قولونەر بۇيىمدارى: فارفور مۇسىندەر، ىدىس، قىش قۇمىرالار تانىستىرىلدى.
