وتباسى قۇندىلىقتارىن دارىپتەيتىن «قارا شاڭىراق» تەلەحيكاياسى كورسەتىلەدى
تەلەحيكايا الەۋمەتتىك- يدەولوگيالىق باعىتتا تۇسىرىلگەن. تۋعان ەل مەن قارا شاڭىراقتى ءسۇيىپ، اتا ءداستۇردى قۇرمەتتەۋ، وتباسى قۇندىلىقتارىن دارىپتەۋ - سەريالدىڭ باستى ماقساتى. سونىمەن قاتار، بۇل تۋىندىدا قاراپايىم تۇرمىستىق ماسەلەلەر، تۋعان- تۋىس اراسىنداعى قارىم- قاتىناس سۋرەتتەلگەن.
«مۇندا ماحاببات تا، زۇلىمدىق تا، وپاسىزدىق تا، تۇڭىلۋ دە، ۇرەي مەن قايسارلىق، سەنىم مەن ءۇمىت، ادالدىق پەن تازالىق تا بار. سەريال قاراپايىم وتباسىندا وسكەن ءۇش اعايىندى تۋرالى. وندا وتباسىندا جاقسى تاريبە العانىمەن ءتۇرلى ورتاعا تاپ بولعان جىگىتتەردىڭ ءومىرى باياندالادى» ، دەلىنگەن حابارلامادا.
رولدەردە اعايىندىلاردىڭ رولىن: ازامات ساتىبالدى، ءادىل احمەتوۆ، داۋرەن سەرعازين سىندى بىرنەشە تەلەجوبالاردا كوزگە تۇسكەن اكتەرلار سومدايدى سونىمەن قاتار، رولدەردە باقىتجان الپەيىسوۆ، يگور ليچادەيەۆ، وكسانا بويچەنكو، روك- ءانشى اسەم كوپبايەۆا جانە سايات مەرەكە ۇلى مەن بولات ءابدىلمانوۆ سياقتى تانىمال تۇلعالار وينايتىن بولادى.
