بۇدان بىلاي شاحمات مەكتەپ باعدارلاماسىنداعى مىندەتتى پاندەردىڭ قاتارىندا وقىتىلاتىن بولادى
العاش بۇنداي باستامانى وسىدان 18 جىل بۇرىن اليكانتە پروۆينتسياسىنداعى ەلچە قالاسىنىڭ CEIP Luis Vives مەكتەبى كوتەرگەن. وندا ماتەماتيكا، فيزيكا سەكىلدى مىندەتتى پاندەر قاتارىنا شاحمات ءپانى دە قوسىلىپ وقىتىلىپتى.
2007- جىلى وسى مەكتەپتى ءوز كوزىمەن كورىپ قاتۋ ءۇشىن شاحماتتان الەمنىڭ ەكس- چەمپيونى اناتوليي كارپوۆ بارىپ قايتقان ەكەن.
بۇل ەلدە مەملەكەتتىك ءبىلىم بەرۋ جۇيەسىنە شاحماتتى جەكە ءپان رەتىندە قوسۋ تۋرالى وتىنىشتەر سوڭعى ۋاقىتتا ءجيى ءبىلدىرىلىپ ءجۇر. ال، 2012- جىلى ەۋرووداق پارلامەنتى شاحماتتى ەلدەگى ءبىلىم بەرۋ جۇيەسىندە ءپان رەتىندە تىركەۋ تۋرالى ۇسىنىس جاساپتى. ءبىراق ءبىلىم بەرۋ سالاسىنداعى شەنەۋنىكتەر بۇعان ءالى ماردىمدى جاۋاپ قاتپاعان.
