جەتىم وسكەن ەرلى-زايىپتىلار اناسىن ىزدەپ تاپقان كەزدە ءبىر ءۇيدىڭ بالاسى بولىپ شىقتى
ادريانا ەسىمدى ايەل مەن ونىڭ جارى لەاندرو (فاميليالارىن ايتۋدان باس تارتقان) - ەكەۋى دە اناسىز جەتىم وسكەن ەرلى-زايىپتىلار. ولار ۇزاق جىلدار بويى انالارىن ىزدەپ، اقىرى ارماندارى ورىندالعان ساتتە، توبەلەرىنەن جاي تۇسكەندەي كۇيگە ءتۇستى.
بۇعان دەيىن ەكەۋى دە وزدەرىنىڭ جەتىم وسكەندەرىن جانە ەكەۋىنىڭ دە ىزدەپ تاپپاي جۇرگەن اناسىنىڭ ەسىمدەرى ماريا بولىپ شىققانىن جاي عانا سايكەستىك ساناپ ءجۇرىپتى. ءبىراق ولار وزدەرىنىڭ ءبىر ءۇيدىڭ بالالارى - اپكەلى-ءىنىلى ەكەندىگى جايلى ءۇش ۇيىقتاسا دا تۇستەرىنە كىرمەگەن.
قالاي دا ءوز انامدى ىزدەپ تابامىن دەپ وزىنە سەرت بەرگەن ادريانا اقىر سوڭىندى جەرگىلىكتى راديونىڭ كومەگىنە جۇگىنىپتى. سان-پاۋلۋعا تارايتىن راديوباعدارلامانىڭ ارقاسىندا ايەلدىڭ اناسى تابىلىپ، ەفيردە قاۋىشىپتى. ەفيردى پايدالانىپ اناسى ونىڭ قىزىنان بولەك تاعى ءبىر ۇلىن ىزدەيتىنىن ايتسا كەرەك. ادريانا سول ساتتە ونىڭ ءوزىنىڭ كۇيەۋى جايلى ايتىپ وتىرعانىن، سيپاتتارى مەن بەلگىلەرىنىڭ ءدال كەلەتىنىن تۇسىنگەن. بۇل جاڭالىق ونى سەڭ سوققان بالىقتاي ەسەڭگىرەتىپ تاستاعان.
***
جۋرناليستەرگە بەرگەن سوڭعى سۇحباتىندا ايەل كۇيەۋى مەن ەكەۋىن تەك ءولىم عانا اجىراتاتىنىن ايتىپتى.
