قازاقستان پارسى شىعاناعى جانە تىنىق مۇحيتى جاعالاۋلارىندا قويما سالۋعا نيەتتى

«ءبىز يران مەملەكەتى ارقىلى وڭتۇستىككە شىعاتىن جولدىڭ قۇرىلىسىن اياقتاعالى جاتىرمىز. سول سەبەپتى، قىتاي باسشىلىعىمەن ليانيۋنگان پورتى بويىنشا، پارسى شىعاناعى جانە تىنىق مۇحيت جاعالاۋلارىندا بوس قويمالاردىڭ قۇرىلىسىن جۇرگىزۋ مۇمكىندىكتەرىن قازىردەن باستاپ قاراستىرۋىمىز كەرەك»، - دەدى مەملەكەت باسشىسى.

وسىعان دەيىن حابارلانعانداي، 2014- جىلى ليانيۋنگان پورتى ارقىلى وڭتۇستىك-شىعىس ازيامەن قوس باعىتتا ەكسپورتتىق جانە ترانزيتتىك جۇكتاسىمالداۋ كەشەندىك جوباسىن جۇزەگە اسىرۋ ءۇشىن اتالعان پورتتا قازاق-قىتاي تەرمينالىنىڭ نەگىزگى بولىگىن اشۋ جوسپارلانعان بولاتىن. الداعى 2015 - جىلى ەكسپورتتىق جانە ترانزيتتىك جۇكتاسىمالىنىڭ كولەمى ارتادى دەپ كۇتىلۋدە.

قازاقستان-تۇركىمەنستان-يران تەمىر جولى - «سولتۇستىك-وڭتۇستىك» حالىقارالىق ءدالىزىنىڭ ءبىر بولشەگى.

اتالعان تەمىر جول قازاقستاندى بايلانىستىراتىن، رەسەيدىڭ ورتالىق بولىگىن تۇركىمەنستانمەن، يران، پارسى شىعاناعى، وڭتۇستىك جانە وڭتۇستىك-شىعىس ازيا ەلدەرىنە قوسىمشا باعىتتار اشۋعا مۇمكىندىك بەرەدى. بۇل جوبا ترانزيتتىك جانە جولاۋشىلار اعىنىن ارتتىرىپ، تاسىمال شىعىنىنىڭ كولەمىن ازايتادى، سونداي-اق، اتالعان وڭىرلەر ەكونوميكاسىنىڭ دامۋىنا سەرپىلىس اكەلەدى، دەلىنگەن ماقالادا.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى