تۇرمە الدىندا ۆلاديمير كوزلوۆتى قولداۋ شاراسى ءوتتى

دەنەلەرىنە «ۆلاديمير كوزلوۆقا بوستاندىق بەرىلسىن!» دەگەن جازۋ مەن وپپوزيتسيالىق قايراتكەردىڭ سۋرەتى باسىلعان كەۋدەشە كيىپ العان اكتسياعا قاتىسۋشىلار «تۋعان كۇنىڭمەن، ۆلاديمير!» دەگەن ترانسپورانت ۇستاپ تۇردى. بۇدان سوڭ ۆلاديمير كوزلوۆتى 56 جاسقا تولۋىمەن قۇتتىقتاپ جازىلعان حاتتى وعان تابىس ەتۋگە تۇرمە كۇزەتشىلەرىنە بەردى.

تۇرمە جانىنداعى بەيبىت سيپاتتا وتكەن اكسيانى بىرنەشە پوليتسيا قىزمەتكەرى مەن جاي كيىمدەگى ادامدار سىرتتاي باقىلاپ تۇردى، ءبىراق ەشكىمدى ۇستاعان جوق.

قازاقستاندا تىركەلمەگەن، سوت شەشىمىمەن قىزمەتىنە تىيىم سالىنعان وپپوزيتسيالىق «العا» پارتياسىنىڭ بۇرىنعى جەتەكشىسى ۆلاديمير كوزلوۆ 2012- جىلى قازان ايىندا «مەملەكەتتىك قۇرىلىمدى كۇشپەن قۇلاتپاق بولدى» جانە 2011- جىلدىڭ جەلتوقسانىنداعى جاڭاوزەندەگى وقيعالارعا قاتىسى بار دەگەن ايىپتارمەن جەتى جارىم جىلعا سوتتالعان.

قۇقىق قورعاۋ ۇيىمدارى مەن باتىس ەلدەرىنىڭ ۇكىمەتتەرى كوزلوۆتىڭ وزىنە قارسى ءىستىڭ «ساياسي استارى بار» دەگەن ءۋاجىن قولدايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى