قازاقستان مەن جاپونيا ينۆەستيتسيانى قورعاۋ جونىندەگى كەلىسىمگە قول قويۋدى جەدەلدەتپەك
تاراپتار تىكەلەي ينۆەستيتسيالار تارتۋ بويىنشا كەشەندى جوسپارىن قازاقستاندا ىسكە اسىرۋ اياسىندا ەكى جاقتى ساۋدا-ەكونوميكالىق ىنتىماقتاستىقتى كەڭەيتۋ ماڭىزدىلىعىن اتاپ ءوتتى.
ونىڭ ىشىندە مينيسترلەر قازاقستان مەن جاپونيانىڭ ۇكىمەت پەن جەكە مەنشىك سەكتورلارىنىڭ بىرلەسكەن كوميسسيا جاساعان ەكونوميكالىق جانە ينۆەستيتسيالىق قارىم-قاتىناستاردى نىعايتۋداعى جول كارتاسىن جاڭارتۋدى قولدادى.
«ءبىز جاپوندىق جوعارعى تەحنولوگيالىق كومپانيالاردى ەلىمىزدەگى ىسكە اسىرىلىپ جاتقان جوبالارعا بەلسەندى قاتىسۋعا شاقىرامىز. شەتەلدىك كومپانيالاردىڭ قازاقستاندا تولىمدى جۇمىس ىستەۋى ءۇشىن قاجەت جاعدايدىڭ بارلىعى جاسالعان: قولايلى ينۆەستيتسيالىق كليمات، ءتيىستى قۇقىقتىق بازا قالىپتاستىرىلعان، ينۆەستيتسيالىق پۇرساتتىلىق قولدانادى، كاپيتالدىڭ ەركىن كىرۋىنە توسقاۋىل بولاتىن كەدەرگىلەرى جويىلدى جانە ت. ب.»، - دەدى اسەت يسەكەشەۆ.
تاراپتار ينۆەستيتسيالاردى ىرىقتاندىرۋ، كوتەرمەلەۋ جانە ءوزارا قورعاۋ تۋرالى قازاقستان مەن جاپونيا اراسىنداعى كەلىسىمشارتقا تەز ارادا قول قويۋعا ۋاعدالاستى. اتالعان قۇجات ينستيتۋتسيونالدى قۇرامدى جەتىلدىرۋ، ونىڭ ىشىندە ق ر مامانداندىرىلعان كادرلاردى تارتۋ جانە قازاقستاندىق مامانداردى وقىتۋ ەرەجەلەرىن كوزدەيدى.
سونداي-اق، تاراپتار اۆتوموبيل قۇراستىرۋ، لوگيستيكا جانە تاعى باسقا سالالارداعى جوبالاردى ىسكە اسىرۋ ارقىلى تەحنولوگيالىق ىنتىماقتاستىقتى دامىتۋعا دايىن ەكەنىن كورسەتتى. بيىل قازاقستاندا «Toyota Fortuner» اۆتوموبيلدەرى شىعارىلا باستاعانى بەلگىلى.
ەكى ەل ىنتىماقتاستىعىنىڭ جاڭا باعىتتارى مەن بىرلەسكەن جوبالار، جالپى ينۆەستيتسيالىق ىنتاماقتاستىق كەلەشەگى ەكونوميكالىق ىنتاماقتاستىق جونىندەگى قازاقستان مەن جاپونيانىڭ ۇكىمەت پەن جەكە مەنشىك سەكتورلارىنىڭ بىرلەسكەن كوميسسياسىنىڭ V وتىرىسىنىڭ بارىسىندا تالقىلاناتىنىن اتاپ وتكەن ءجون. ول شارا استانا قالاسىندا ۇستىمىزدەگى جىلدىڭ قازان ايىندا وتەدى دەپ جوسپارلانۋدا. شاراعا 100 دەن استام جاپونيانىڭ ىسكەرلەر ورتاسىنىڭ وكىلدەرى قاتىسادى دەپ كۇتىلۋدە.
